زبدةالاشعار

من یا حسین عیان و نهان آغلارام سنه #حسینیه #حسین_ساکت

عرض ارادت به محضر حضرت اباعبدالله الحسین علیه السلام
گریز به قتلگاه
.
✍️ زبدة الاشعار ✍️
.
🆔: @nohe_torki
حسین ساکت
.
من یا حسین عیان و نهان آغلارام سنه
تا وار دلیمده تاب و توان آغلارام سنه
.
بلبل گُلون غمینده خزان وقتی آغلاسا
من غمزده بهار و خزان آغلارام سنه
.
مشق آلمشام بو درسی امام زمانیدن
قورتولسا گوزده گوز یاشی قان آغلارام سنه
.
جسمیم قوجالسادا هله عشقیم قوجالمیوب
عشقیم جوشاندا مثل جوان آغلارام سنه
.
وردیم حسیندی ذکریم حسین صُحبتیم حسین
آدیم چیخوبدی ندبه کنان آغلارام سنه
.
ئولسمده توپراقیم سنه آغلار که قبرده
روحیم گوزیله اشک روان آغلارام سنه
.
لازمدی محنتونده هامی عالم آغلاسون
مرهون نهضتوندی جهان آغلارام سنه
.
تا اولمیوبدی دست جفا قطع و ریشه کن
ای خیمه سی یانوب تالانان آغلارام سنه
.
سن جان ویرنده حالیوه عالملر آغلادی
غمخانه اولدی کون و مکان آغلارام سنه
.
روحوم قوشی گینه دولانور قتلگاهیده
بیر سس گلور یاراسی کلان آغلارام سنه
.
غم چکمه یوخ یانوندا آنان وای بالا دئسین
من نعشون اوسته عین آنان آغلارام سنه
.
یاددان چیخاتدی غصه لرون درد و غملری
نه فاطمه غمی نه آتان آغلارام سنه
.
محنت لرون سالوب دله نی تک سیزیلدارام
آدون ائدوبدی ورد زبان آعلارام سنه
.
آگاهسن که یاخشی یارا باغلارام ولی
وئرمز اجازه شمر و سنان آغلارام سنه
.
ای پاره پاره پیکری باشین هایاندادی
گِئتمیش قوناق یزیده گمان آغلارام سنه
.
جسمون یانندا قویماسالار آغلیام اگر
باشون دالنجا دلده فغان آغلارام سنه
.
عشقونده عالمی ئوزومه عاشق ایلرم
بسکه محبّتونده نوان آغلارام سنه
.
شام اهلی ایستسه آیا باخسین آی اوّلی
وئرّم باشین جداده نشان آغلارام سنه
.
تا سینه ده نفس گلوری « ساکت » اولمارام
غم مجلسنده سینه زنان آغلارام سنه
.
.
#حسینیه #حسین_ساکت
#قتلگاه #کوچ_کربلا #حسینیه_مدح
#من_یا_حسین_عیان_و_نهان_آغلارام_سنه
#ترکی
.
✍️ #زبدةالاشعار ✍️
.
🆔: @nohe_torki

نظر دهید

دسته بندی درختی

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

Search
Generic filters
Filter by Custom Post Type

دسته بندی درختی