زبدةالاشعار

ایتمسن گلشن عجب قانیله میدانی بابا #کوچ_کربلا #هوشی_تبریزی

زبانحال حضرت رقیه(ع)دربالین پدرش – کوچ کربلا
.
✍️ #زبدةالاشعار ✍️
.
🆔: @nohe_torki
.
.
مرحوم غلامعلی باقری الهامی (هوشی تبریزی)
.
ایتمسن گلشن عجب قانیله میدانی بابا
هرگلون نازلی رقیه اولا قربانی بابا
.
بدنون ای بابا بو نوع که میدانه دوشوب
گل خوشرنگدی گویا که گلستانه دوشوب
بویانوب لاله احمر کیمی القانه دوشوب
دولدوروب عطری سراسر بوگلستانی بابا
.
.
کربلانی ایله گلزارایلیوب قرمزی قان
قتلگاهوندان عیاندورسنون آثارجنان
نه گوروب بیله گلستان نه گوررچشم جهان
بیله مملوّایلیه عطریله دنیانی بابا
.
.
بیرصفالی چمن اولمش بو بیابان بلا
باغ جنتده یقین یوخدی بوذوق وبو صفا
گورنجه بزم مرتبدی بوگلزار وفا
سنبل اوخ گل یارا من بلبل خوشخوانی بابا
.
.
پیکرون کرب وبلا دشتنه چون گل دوشنوب
سینه وه ناوک پیکانیله سنبل دوشنوب
گوره هرکس منی سویلرگله بلبل دوشنوب
نه گوزل مسکن ایدوب سایۀ طوبانی بابا
.
.
بلبلم دائمی گل دامنینه باش قویارام
قویسالاراوزگلومون عطرینی آلاّم دویارام
آغلارام قلبیمی خارمحنیله اویارام
ایلرم جاری دمادم یوزه دل قانی بابا
.
.
باش آچوب یاره لرون گلشن شاهانه قوروب
باغ جنّاته صفاده اودی همپایه دوروب
جسموه لشکراشرارز بس یاره وروب
سوکیمی جاری اولوب هرطرفه قانی بابا
.
.
سن شه ملک وفاسن هانی بس تاج شهون
نه گلوب تختوه اولمش قوری یرخوابگهون
گربوحالیله گوره حوری سنون قتلگهون
داخی سالماز نظره گلشن رضوانی بابا
.
.
خار ظلمیله اولوب گل کیمی صد پاره تنون
بویانوب قرمزی القانیله صحن چمون
بسکه اوخ نیزه دگوبدورداغلوبدوربدنون
پیکرونده داخی یوخ یاره سنین سانی بابا
.
.
مصرعونده ایله غم مجلسی برپا ایدرم
علمی غرق یم مُحنت عُظما ایدرم
زلفومی قانیویله منده محنّا ایدرم
بویارام قانیله بوزلف سمن سانی بابا
.
.
آختاروردوم سنی هریان باباجان شوقیله من
دوشمسن بولمزیدیم لیک قزل قانیده سن
چوخ دولاندیم سنی من تاپبادیم ایشاه زمن
قلبیمون اولدی زیاده غم سوزانی بابا
.
.
سوزمحنت وروب اود جانیمه یاندوردی منی
تیرحسرت بابا بسکه یارالاندوردی منی
دلده کی عشق بوصحرانی دولاندوردی منی
بویره عشق گتوردی من نالانی بابا
.
.
جاری هجرونده یوزه اولمشودی اشک تریم
دولانوب بویره آخرده دوشوبدورگذریم
وصلوه مائلیدیم بسکه من ای تاج سریم
عاقبت درک ایلدیم وصلت جانانی بابا
.
.
منه دنیابویی حسرتدی بوای شاه جهان
قالماقا قتلگه عشقده ویرمزله امان
الده قچی باشیم اوستنده دوروب شمر وسنان
شامه چکماقلیقا بو دردی فراوانی بابا
.
.
ایلیوب جام وصالون ایله سرمست منی
امرمشکلدی بابا بیرده ایدم ترک سنی
لیک سندن آیرورجبریله اشرار دنی
کام دل آلماقا قویموربو پریشانی بابا
.
.
قویموری اهل جفا من بوجوارونداقالام
آیریلان وقتده بیرکامه گوزل عطرون آلام
جسموه قانه باتان زلفومیله سایه سالام
چکم آغوشیمه بوپیکرعریانی بابا
.
.
سویرم من بولوسن ای بابا عالمده سنی
چکمیشم جانکیمی آغوشیمه بوگل بدنی
بیردانشدوربابا سنده بو مصیبت زده نی
شاد قیل لطفیله بودیده سی گریانی بابا
.
.
دردیمی کشف ایدرم من سنه دوردردیمی آل
چاره قیل دردیمی بووقتده بیرقیدیمه قال
آیرلان وقتدی لطف ایت قولوی بوینوماسال
جان تک آغوشیوه آل جانیوه جانانی بابا
.
.
قتلگاهون نجه من حسرتیله ترک ایدرم
ساربان ویرمسه مهلت منه من بس ندرم
گلموشم سنله ولی شمریله شامه گیدرم
پا پیاده گزرم دشت و بیابانی بابا
.
.
(هوشی) افغانه گلورشوریله هرصبح ومسا
دلده وارحاجتی ای پادشه کرب وبلا
سنده لطفیله اونون دردینه گل ایله دوا
دردینون چون بولورم سنده دی درمانی بابا
.
.
.
#کوچ_کربلا #هوشی_تبریزی
#ایتمسن_گلشن_عجب_قانیله_میدانی_بابا
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  عم اوغلی یاحسین غربتده مسلم دیده گریاندی #مسلمیه_تبسمی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی