من یتیمی چوللره سالدی ساربان بابا #راه_شام_حامد_تبریزی

راه شام
زبانحال حضرت رقیه سلام الله علیها
.
.
#سبک_مسلمون_شهادتی ( 5 سبک برای سینه زنی و زنجیر)
.
.
مرحوم علی اکبر حامدی تبریزی
.
.
من یتیمی چوللره
سالدی ساربان بابا
قانلی باشووه فدا
هارداسان دایان بابا

.
آچ او قانلی گوزلرون بیر نظاره قیل منه
گلمیشم بو قورخولی چولده گور نه شیونه
ظلمیله ئولر بالون دوشسه دام دشمنه
گلسه ئولدورر یقین زجر و ساربان بابا

.
بو قرنقلوق گئجه ایله وحشت آلموشام
اود دوتوب جگرلریم یاده زجری سالموشام
خالقیم گواهیدور من نه حاله قالموشام
قویما ایلسون بالون چوللری مکان بابا

.
من سیزیلدارام یانار اهل عالم آهیمه
هی نظاره ایلرم باشدا غم سیاهیمه
خردا قیز گور ایلمز بو مکاندا واهمه
ئوز ایاقینون سسین درک ائدن زمان بابا

.
بخت و طالعیم منی گور بابا هارا چکوب
گون باتوبدی عالمه پردۀ قرا چکوب
بو اَسَفلی منظره قلبیمه یارا چکوب
یوخدی دادیمه گلن قلبیم اولدی قان بابا

.
یوخدی بیر نفر منی غمدن ایلسون کنار
قاره معجریم کیمی ظلمت اولدی روزگار
قورخودان دوداقلاریم پارچالاندی آشکار
گوز یاشیم اولوب منه ایندی همزبان بابا

.
اوچ یاشیندا بیر قیزام صبریدن تالانموشام
دیده تر بو چوللری هی قاچوب دولانموشام
گاهی قوش کیمی گئدوب خاره دالدالانموشام
گاهی سویلرم گل ای یار مهربان بابا

.
راضی اولما خردا قیز قلبی قانیلن دولا
آز قالور بو دشتیده قورخی جانیمی آلا
گور دوشر نه حالته چولده خردا قیز قالا
گلسون ایلرم سنه دردیمی بیان بابا

.
گل هایانداسان منی بیرده آل قوجاقیوه
راضی اولما من یانام آتش فراقیوه
گل دوداقیمی قویوم یاره لی دوداقیوه
منده قالمیوب داخی طاقت و توان بابا

.
سسده دور قولاقلاریم یولدا گوزلریم قالوب
بیلمورم هایاندا بس نازلی اکبریم قالوب
چولده هئچ دئمور منیم خردا خواهریم قالوب
گلسه باغرینا باسار اکبر جوان بابا

.
اکبرون عزیزه سی ظلم الیله خوار اولوب
خسته ام یورولموشام غملریم هزار اولوب
قاچمیشام ایاقلاریم گور نجه قابار اولوب
«حامد»ایلیر منه گوز یاشین روان بابا
.
.
.
#راه_شام
#من_یتیمی_چوللره_سالدی_ساربان_بابا
#حامد_تبریزی
#ترکی
#زبدةالاشعار