زبدةالاشعار

قارداش بو باش سیز عترتون شامه یولار گیسو گیدر #راه_شام_غمناک_تبریزی

راه شام
زبانحال حضرت زینب (س)
.
.
#سبک_ای_شاه_مظلومان_حسین (5 سبک متفاوت سینه و زنجیر و … )
.
.
مرحوم غمناک تبریزی
.
.
قارداش بو باش سیزعترتون
شامه یولار گیسو گیدر
باشون دالنجا بیر سوری
گویا دوشوب آهو گیدر
.

زینب باشندا جذبۀ عشقونده بیر تأثیره باخ
ال چکموری ئولدورسه لر سنده بو گون تقدیره باخ
مقصد اوزاق عریان دوه بوینوندا بو زنجیره باخ
آردینجا ایمدی یوز قویوب قارداش دیوب هر سو گیدر
.

قارداش مبادا اینجیه بو خاطرون مندن بوگون
بیرجه دویونجا من سنه تا ایتمدیم شیون بوگون
آنجاق الیمدن بو گلور آیریلمادیم سندن بو گون
اولموش شکسته قلبیوه زینب بو گون دلجو گیدر
.

متن پیشنهادی:  یوسف گم گشته ... #مهدیه_طیب

گونلر او گونده نیزه ده چوخ یول گلوبسن خسته سن
گاهی گیدوب گاهی دوروب امّا کیمه وابسته سن
بو گول یوزیوی توز دوتوب یا یاتموسان کول اوسته سن
ابر شفق آلتیندا گور قالموش او ماه رو گیدر
.

قربان او قانلی گوزلره آز باخ منِ محزونیوه
باخدوقجا گویلوم قان اولور بو دیدۀ پرخونیوه
چون تشنه سن سو دگمیوب بوللم لب گلگونیوه
زینب گوزونده ساخلیوب وار سندن اوتری سو گیدر
.

من تابعم قارداش سنه هر نه بلا یتسه منه
اؤز باشیمی سندیرموشام همرنگ اولام تا که سنه
صبر ایلرم سن تک حسین جور و جفای دشمنه
ایتموش اسیر ایمدی منی اول شمر کینه جو گیدر
.

متن پیشنهادی:  دنیانی ترک ایدنده او گون حضرت امام

دار جداده عالمه عیسی کیمی سن ویر نفس
قوم یهود ائتسون منه قوی طعنه و آزار بس
من آغلارام دشمن گولر باخ چولقیوب دنیانی سس
فریاد و افغانیم اودور تا قُبّۀ مینو گیدر
.

موجه گلوب درد و بلا باشدان آشوب دریا کیمی
بو قبطیان شام آلوب دُور و بَرون موسی کیمی
ایلوب تجلّی شعلۀ آهون ید بیضا کیمی
مَحو رُخ آلون اولوب بو فرقۀ جادو گیدر
.

ئولسون باجون بیر باخگیلن باشیمده کهنه معجره
سندن اوزاقلاشدیم حسین دوشدوم بو قاره گونلره
بولمزلر آخر من کیمم قارداش یتوشسم هر یره
باجون کنیزه اوخشادار هیچ کیم دیمز بانو گیدر
.

متن پیشنهادی:  نقدر چکدی مصیبت جهاندا امّتدن #پیامبراسلام_کاتب_اردبیلی

واردور یری عالم بولور عرش احتجاب اولسون منه
گون باشیم اوسته سایه تک چتر و حجاب اولسون منه
لازمدی قارداش بو زمان زلفیم نقاب اولسون منه
من اشک ریز، آلِ علی یکسر پریشان مو گیدر
.

#غمناک اَل چک قصّۀ جانسوز راه شامیدن
زینب نه چکدی کیم بولور درد و غم ایامیدن
آگاهیدور بیرجه حسین باشی او سر انجامیدن
افلاک قدّین ایمدیده خم ایلوب اول ابرو گیدر
.
.
.

.
#راه_شام
#قارداش_بو_باشسیز_عترتون
#غمناک_تبریزی
#ترکی
#زبدةالاشعار

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی