وداع
.
✍️ زبدة الاشعار ✍️
?: @nohe_torki
.
حاج داود بیدق داری
.
نار بلا زینبی، ائتدی کباب آغلادی
گوردی گئدور قارداشی، ائتمدی تاب آغلادی
.
ماتیدی چشم فلک شاه نکو منظره
اوخشادی دشت بلا عرصه گه محشره
باخدی گوی اهلی یئره آغلادیلار یکسره
گوی یوزینه ایلدی ابری نقاب آغلادی
.
مرکبین اوستونده یار، کوه کیمی با وقار
کیم دئیر اوغلی ئولوب یا که تاپوب انکسار
لبلری عطشان ولی تشنۀ وصل نگار
ایلمیوب چون نظر، نهر پُر آب آغلادی
.
گویده ستاره نئجه حلقه وورار دور ماه
اولدوزا بنزر حرم ماه کیمی پادشاه
قزلارینا بیر به بیر آهیله ائتدی نگاه
دودۀ آهی اولوب گویده سحاب آغلادی
.
آچدی لب لعلینی زینبه قیلدی خطاب
فاطمه یول گوزلیور وصله واریمدور شتاب
اکبر و اصغر منیم خیمه ده قالسون رباب
باخدی باجی قارداشا وئردی جواب آغلادی
.
صبر ائله قارداش دئدی زینب بی یاره باخ
گتمه طبیبیم دایان غصّه لی بیماره باخ
موسم هجران یئلی اسدی بو گلزاره باخ
یاندی اورک غصه دن اولدی کباب آغلادی
.
دوشمیه تأخیره تا راز و نیازون سنون
گویلره معراج ائده سوز و گدازون سنون
گل کرم ایله اؤپوم تشنه بوغازون سنون
شاه ائشیدوب بو سوزی ائتمدی تاب آغلادی
.
کوینگینون بندینی آچدی او دم آفتاب
زیر گلوسی اولوب بوسه گه ماهتاب
تشنه بوغازین اؤپوب زینب اولوب کامیاب
حسرتیله لیلیه باخدی رباب آغلادی
.
گرمی بازاره باخ دیدۀ خونباره باخ
دختر فرزانۀ حیدر کراره باخ
مست ائلین عاشقی بوسۀ دلداره باخ
بوسه نی آلدی صورا دوتدی رکاب آغلادی
.
آغلاشور اهل حَرَم شاه گیدور مقتله
گون تک اوغولسوزلارا روشن اولوب مسئله
باخدی دئدی زینبه شامه کیمی صبر ائله
بیلدی بو معنانی چون روح حجاب آغلادی
.
دیدۀ #داور اگر اشکیله جیحون اولوب
عمری قدر سینه سی عشقیله مشحون اولوب
ایله کرم یا حسین گور نجه محزون اولوب
نوحه ائدوب زمزمه بهر ثواب آغلادی
.
#سبک_ای_دل_اگر_عاشقی
ــــــــــــــ
#سبک_می_گذرد_کاروان
واگیر برای این سبک :
گئتمه گر فرصتون وار هله
زینبون جان وئرور صبر ائله
یاحسین یاحسین یاحسین
.
#وداع
#نار_بلا_زینبی_ائتدی_کباب_آغلادی
#بیدقداری
#ترکی
.
✍️ #زبدةالاشعار ✍️
?: @nohe_torki
نظر دهید