حسینه قربان اولوم مشعل هدایت دیر #حسینیه_مهدی_نجفلو

مشعل هدایت
..
..
مهدی نجفلو
..
..
حسینه قربان اولوم مشعل هدایت دیر
فدای دین و شریعت حجاب و عصمت دیر
..
نماز آخری تفسیر، حدیث ثقلینه
کی اهل بیتیله قرآن بیزه امانت دیر
..
حسین امام و ولی دور تمام دنیایه
ولایتی بیزه شرط قبول طاعت دیر
..
قیامتین گونو خوش حالینه او انسانین
کی تحت سیطرۀ بیدق ولایت دیر
..
حقیقتین یولو بیردیر تاپار او انسان کی
حقیقته اینانیب باطنی سلامت دیر
..
اونون بونون سوزونه آلّانیب یولون چاشماز
اولارکی دینه گوره اهل استقامت دیر
..
بیر عده لر چالیشیر دینه انتقاد یارادا
اولار یقین ائله کی غرق در جهالت دیر
..
بو دینی الله اوزو ساخلیوبدی ساخلیاجاق
کتاب حقّیده بو آیه با صراحت دیر
..
بیر عده قانمیان الدنگ اودینه نئیلیه جک
کی دست قدرتیله مورد حمایت دیر
..
حسینه عاشق اولانلار حسینه جاندا وئرر
حسینچیلر او قَدَر صاحب شرافت دیر
..
بیزیم جوانلار حسینیّه لرده درسین آلیب
حسینون عاشقیدی طالب شهادت دیر
..
بو مکتبین چوخالیر گون به گونده شاگردی
امیر مکتبیمیز معدن کرامت دیر
..
او گول کی گلشن آل عباده غنچه لنیب
خزاندا سولمیاجاخ بس کی با طراوت دیر
..
«نجفلو» نوکر سلطان کربلا بونو بیل
اگر چی یوخسول اولا صاحب عمارت دیر
..
حسینون عشقی بویوکلوکده سویله نعمت هانی
او نعمتی کی اوزو باعث سعادت دیر
..
..
#حسینیه #مهدی_نجفلو #حسینیه_مدح #ترکی #زبدةالاشعار