چوخدی زلفونده سنون عشق گرفتاری گولوم #مهدیه_بیدقداری

یا مهدی
.
✍️ زبدة الاشعار ✍️
.
🆔: @nohe_torki
.
حاج داود بیدق داری
.
چوخدی زلفونده سنون عشق گرفتاری گولوم
باغلیدور مین اوره گین بندینه هرتاری گولوم
.
مست ائدیر بادصبا هر سحر اسدوگجه منی
ایلوسن شانه مگر زلف سمن باری گولوم؟
.
نیلمیشدیم مگر اول زلف چلیپایه، منی
گزدیرور شامه کیمی کوچه و بازاری گولوم
.
دل دئدی زلفینی بیر لحظه گوروم تئز قئیدیم
دولاشوب پیچ وخمه قالدی گرفتاری گولوم
.
او پریشانلیقا زلفونده آغیر حکمته باخ
گورنجه نظمه سالوب دیلده کی گفتاری گولوم
.
گل بیزیم میکدیه قلبی یانانلار یئریدی
ساقی عشقیدن آل ساغر سرشاری گولوم
.
بسدی بیرنکته دئسم ایستسه عشقی یارادان
کعبه ی امن ائلیر خانه ی خماری گولوم
.
منی وادار ائلدون فاش ائلیم عشقه گوره
یارادوبدور یارادان گنبد دواری گولوم
.
.
#مهدیه
#چوخدی_زلفونده_سنون_عشق_گرفتاری_گولوم
#بیدقداری
#ترکی
.
✍️ #زبدةالاشعار ✍️
.
🆔: @nohe_torki