دیر راهب
.
✍️ زبدة الاشعار ✍️
.
?: @nohe_torki
.
مرحوم عابد تبریزی
.
عجزیله زبس راهب ایدوب اشک روانه
اعجازیله راس شه دین گلدی بیانه
.
من گوهر گنجینۀ تسلیم و رضایم
من شمع دل افروز شبستان وفایم
.
من صدرنشین حرم قدس تجرد
من سدره مکان طایر فردوس ولایم
.
من سوخته دل تشنۀ سرچشمۀ وصلم
من باخته جان عاشق سودای لقایم
.
من کشور امکانه خداوند و امیرم
هرچند که دللرده شه کرب و بلایم
.
من فاطمه دلبندی علی اوغلی حسینم
آرام دل ختم رسل خیر ورایم
.
من قائد غم، عاشق دین، کشتۀ توحید
من حل و حرم صاحبی من میر هدایم
.
من راه دفاده ایکی دریا آراسیندا
لب تشنه شهیدم اودی شاه شهدایم
.
شوقیله آتوب ملک جهان فکرینی باشدان
قانلی باشیله زینت اورنگ جدایم
.
توحید منه مذهب و اسلام طریقت
دین کاخ مشید، من اونا اصل بنایم
.
بیر قافله عشق اهلینه یولاردا باشیله
مهتاب کیمی پیشروم راهنمایم
.
مین عقدۀ غم باخما واریمدور اورگیمده
هر کیم قالا مشکلده اونا عقده گشایم
.
من میر حجازم، شه بطحا، مه یثرب
من دیر نصاراده غریب الغربایم
.
واردور عطش آثاری بلی خشک لبیمده
فیض ازلی منبعیم، آب بقایم
.
من زندۀ جاویدم اگر کشتۀ عشقم
دین اهلی فدادور منه، من دینه فدایم
.
تا غنچۀ توحید، شکوفا اولا جاوید
من فیض نسیم سحرم لطف صبایم
.
تا قافلۀ نوع بشر آزمیه یولدان
انسانلارا حق ویردی ندا، من او ندایم
.
دین آینه سین شائبۀ کفر دوتانماز
قانیله بو آئینیه من نور و جلایم
.
راهب دیمه تثلیثدن ایت صحبت توحید
من مظهر توحید خدای دو سرایم
.
اقطاری دوتار مشعل اسلام فروغی
من بارقۀ حقم اونا نور و ضیایم
.
تا واردی جهان سولمیه جاق گلشن توحید
بو گلشنه من قانیمیله لطف و صفایم
.
عیسی دگولم وارث عیسای مسیحم
او روح خداونددی، من عین خدایم
.
من مفترض الطاعه امامم ثقلینه
هرچند که بو امته مقتول جفایم
.
مرآت دلون شائبۀ شرکیدن ایت پاک
توحیدیله من دادرس روز جزایم
.
ای لطفی نصارایه ویرن عزت اسلام
لطف ایله شها بندۀ محتاج عطایم
.
گر اولمیه سن دادرسیم روز جزاده
ایوای منیم حالیمه چون غرق خطایم
.
گویا اولالی اسمیوه فیروزیدی بختیم
مستغنیم ارچند فقیر الشعرایم
.
سندنصورا یوخ کیمسه دن انعام امیدیم
من «عابدم» ای شاه بو درگاهه گدایم
.
شادم که «علی» خادم و مداحیویله من
هر محفل ماتمده سنه نوحه سرایم
.
#دیر_راهب
#عجزیله_ز_بس_راهب_ایدوب_اشک_روانه
#من_گوهر_گنجینه_تسلیم_و_رضایم
#عابد_تبریزی
#ترکی
.
✍️ #زبدةالاشعار✍️
.
?: @nohe_torki
نظر دهید