چوخ ایلمه شور و فغان آغلاما زهرا #پیامبراسلام_کریمی_مراغه_ای

شهادت حضرت رسول اکرم (ص)
..
..
..
#سبک_ممد_نبودی_ببینی … #سبک_بزم_عزاده_گیمیشم … #سبک_ای_دلبر_آزادگان
..
..
..
مرحوم کریمی مراغه ای
..
..
..
..
چوخ ایلمه شور و فغان
آغلاما زهرا آغلاما زهرا
ایتمه یوزه اشکون روان
آغلاما زهرا آغلاما زهرا
آز آغلا یان زهرا
جان زهرا جان زهرا
..
..
..
..
اوّل غموندی صبر ایله
گلمه فریاده گلمه فریاده
ائت هر بلایه ایمدی دن
جانون آماده جانون آماده
کیمدور آتاسی ئولمه سین
دار دنیاده دار دنیاده
یمدور بو دنیاده قالان
آغلاما زهرا آغلاما زهرا
آز آغلا یان زهرا
جان زهرا جان زهرا
..
..
..
..
ای گلشنیمده تئز آچان
تئز سولان زهرا تئز سولان زهرا
ای قلب زاری غصه دن
قان اولان زهرا قان اولان زهرا
هر محنته باشین آچوب
ساچ یولان زهرا ساچ یولان زهرا
آز سنّیده قدی کمان
ناتوان زهرا ناتوان زهرا
آز آغلا یان زهرا
جان زهرا جان زهرا
..
..
..
..
چوخ بوینی چگنینده باخوب
توکمه گوزیاشون توکمه گوزیاشون
جان اوسته یم گل قوی قزیم
سینمه باشون سینمه باشون
قلبون سنقدی فاطمه
یوخدی قارداشون یوخدی قارداشون
وار همدمون زینب کیمی
مهربان زهرا مهربان زهرا
آز آغلا یان زهرا
جان زهرا جان زهرا
..
..
..
..
مندن صورا گولمز یوزون
جور امّتدن جور امّتدن
تاریک اولا روشن گونون
لیل ظلمتدن لیل ظلمتدن
گویدن یاغار غم باشوا
هر مصیبتدن هر مصیبتدن
شغلون اولار آه و فغان
هر زمان زهرا هر زمان زهرا
آز آغلا یان زهرا
جان زهرا جان زهرا
..
..
..
..
بیر گون سولارسان گل کیمی
گلستانونده گلستانونده
قویمازلا آسوده سنی
خانمانونده خانمانونده
مصدوم اولار بطنونده کی
آستانونده آستانونده
آغلار او پوزقون حالوه
آسمان زهرا آسمان زهرا
آز آغلا یان زهرا
جان زهرا جان زهرا
..
..
..
..
بیرگون دوتار اود گلشنون
غم هواسیندن غم هواسیندن
آغلا حسینون جان آلان
ماجراسیندن ماجراسیندن
توپراق سوورسان باشوه
کربلاسیندن کربلا سیندن
حقون وار اوندا هر قدر
آغلاسان زهرا آغلاسان زهرا
آز آغلا یان زهرا
جان زهرا جان زهرا
..
..
..
..
بیر گون حسینی تشنه لب
سو کنارینده سو کنارینده
دشمن یخاللار توپراقا
احتضارینده احتضارینده
اوخلار سیزیلدار پیکر
زخمدارینده زخمدارینده
نعشین باسوب آغوشه اول
نوحه خوان زهرا نوحه خوان زهرا
آز آغلا یان زهرا
جان زهرا جان زهرا
..
..
..
..
آغلا حسینون حالینه
آغلارام منده آغلارام منده
گللم او قانلی مقتله
اوندا گل سنده اوندا گل سنده
شاید گوروب قاتل سنی
اولدی شرمنده اولدی شرمنده
قویسا ایدرسن یاره سین
پانسمان زهرا پانسمان زهرا
آز آغلا یان زهرا
جان زهرا جان زهرا
..
..
..
..
مطبخده سنلن بیرگیجه
میهمان اوللوخ میهمان اوللوخ
باهم حسینون باشینه
نوحه خوان اوللوخ نوحه خوان اوللوخ
خولی ایدن ظلمی گوروب
باغریقان اوللوخ باغریقان اوللوخ
مطبخ سرایه جمع اولار
قدسیان زهرا قدسیان زهرا
آز آغلا یان زهرا
جان زهرا جان زهرا
..
..
..
..
سن آغلاما بیرگون سنه
ماسوا آغلار ماسوا آغلار
هم انبیا هم اولیا
اصفیا آغلار اصفیا آغلار
دلده کریمی روز و شب
آه وا آغلار آه وا آغلار
سن آغلاما آغلار سنه
انس و جان زهرا انس و جان زهرا
آز آغلا یان زهرا
جان زهرا جان زهرا
..
..
..
#پیامبراسلام #کریمی_مراغه_ای #پیامبراسلام_شهادت #ترکی #زبدةالاشعار