ایلمه زلفون علی مه یوزه حایل گجه لر #راه_شام_شهاب_تبریزی

راه شام
.
.
.
مرحوم شهاب تبریزی
.
.
ایلمه زلفون علی مه یوزه حایل گجه لر
قاره گونلر مهِ تابه اولی مایل گجه لر
.
.
یانه چک زلف پریشانیوی رخساروندن
ظلمتی روشن ایله پرتو انواروندن
گون کیمی گورسنه گر ذرّه ای آثاروندن
دورا بُلمز یوزووه ماه مقابل گجه لر
.
.
شعشات رخ آلونده اولان پرتو نور
ایلیوب نیزه نی ای رشک قمر نخلۀ طور
دولدوروب جسمیوی موسی کیمی عشقونده کی شور
محو مات اولدی گوگل درده گلوب دل گجه لر
.
.
درد عشقون سؤورم چون علی دمسازیم اولور
هر دمی بانگ جرس گور نه هم آوازیم اولور
اهل عشقه بئله بیر اهل دلی لازم اولور
دل دیوب درد دلین ایلیه زایل گجه لر
.
.
قمر رویون ائدوب عقرب زلفونده مقام
ایلیوبدور گجه می گوندوزومی قاره تمام
بو قراریله گنه اولام علی عازم شام
صبح دیداره اولا بلکه دلایل گجه لر
.
.
اولا بُلمز اولا مانند سنه حسنده ماه
مه چکوب پرده غمامی یوزه سن زلف سیاه
نوک نی برج حملدور علی سن شمس اله
رهبر اول باجووا ای شمس شمایل گجه لر
.
.
سنون حسنون اوجالوب دایرۀ شامی دوتوب
گور منیم گوزیاشیمی مرکز آرامی دوتوب
قانه دونموش کاکلون راه تماشامی دوتوب
بر نظر قیلماز اولام وصلیوه نایل گجه لر
.
.
شامیده گورسه بو حُسنیله سنی عورتلر
کسیلور عشق زلیخاده اولان صحبت لر
یوسف مصر وفاسن سنه یوخ قیمت لر
کوی عشقونده من اولام علی سائل گجه لر
.
.
خار الینده ساری گول تک سارالوب گول یوزلر
دام ظلمه سپوری اشکینی آهو گوزلر
آت قباقینده بیزی شمر قووار گوندوزلر
قویماز آسوده ائدر بند سلاسل گجه لر
.
.
گوتور اغیاریدن او قدر فرصت علی
ائده معشوقیله عاشق ایله بیر صحبت علی
گجه بیگانه یاتار مجلس اولور خلوت علی
سنده قیل مرحمتون حالیمه شامل گجه لر
.
.
#راه_شام #شهاب_تبریزی
#ایلمه_زلفون_علی_مه_یوزه_حایل_گجه_لر
#ترکی
#زبدةالاشعار