چون ز شام آمد به یثرب عترت حبل المتین #حضرت_ام_البنین_سعدی_زمان

بازگشت کاروان اهل بیت به مدینه
حالات حضرت ام البنین سلام الله علیها
.
.
.
مرحوم حسینی سعدی زمان
.
چون ز شام آمد به یثرب عترت حبل المتین
آشکارا شد همه جور و جفای اهل کین
.
مسکنش را کرد قبرستان بصد شور و انین
ماتم عباس را از سر گرفت ام البنین
.
.
کاروان شام ایدوب چون شهر یثربده مقام
ماجرای کربلا کشف اولدی بولدی خاصّ و عالم
.
حضرت عبّاس آناسی فاطمه امّ البنین
هر صباح و شام ایدردی ناله و داد و انین
.
سیل اشکیله ایدردی خانۀ صبرین خراب
یثربین عورتلرینه بیله ایلردی خطاب
.
ای مدینه اهلی بسدور دلده کی دردیم منیم
اولمیون راضی سماواته اوجالسون شیونیم
.
دردیمی آرتورمیون بسدور بو فریاد و انین
ایتمیوب هرگز مخاطب سیز منی امّ البنین
.
ایلینده سیز منه امّ البنین آدی خطاب
قان اولان گوگلومده قالمور طاقت و آرام و تاب
.
گوزلریمده ایلوری جلوه عزیز جانلاریم
یادیمه لابد دوشور جاندان گیچن اوغلانلاریم
.
واریدی دورت اوغلوم، آل حیدره منظوریدیم
افتخاریم واریدی امّ البنین مشهوریدیم
.
باشیمه دورت قاره امّا ایمدی بیردن سالموشام
ورد و ذکریم وای اوغول وای دور، اوغولسوز قالموشام
.
سیز منه بوندان صورا امّ البنین ایتمون خطاب
نه یوزیله سسلینده من ویروم بیرده جواب
.
هر کیمون اولسا نچه اوغلی جوان نازنین
رسمیدور اعراب اونون آدین قویار امّ البنین
.
سیز منیم بوندان صورا آدیمی یالقوز سسلیون
رخت قاره، سینه سی داغلی، اوغولسوز سسلیون
.
کاسۀ چشمیم نجه قانیله آیا دولماسون
زینبیم بیر سوز دیور اصلی اونون کاش اولماسون
.
ایلوری بیله روایت اول عزیزه محترم
ایلیوبلر اوغلومون سو اوسته قولّارین قلم
.
تا حیاتیم وار سزادور آغلیام من صبح و شام
اُلدوروبدور اوغلومی دشت بلاده اهل شام
.
ای مدینه اهلی بیله من ایشیتدیم بو سوزی
تیریله نابود اولوب اوغلوم ابوالفضلین گوزی
.
من ایشیتدیم کربلاده ظلمیله قوم عنود
آخِر عمرینده باشیندان ووروبلار بیر عمود
.
من ایشیتدیم اُلدوروبلر تشنه سردار اوغلومی
سرو تک قولسوز یخوب اشرار علمدار اوغلومی
.
من ایشیتدیم اهل کین ظلمینده طغیان ایلیوب
اوغلوم عبّاسی سو اوسته تیره باران ایلیوب
.
مین نفر دعواده اولسا افسر صاحب هنر
رسم دعوادور علمداری گوزتلر دسته لر
.
چون علمدار اُلسه سلطان حالی ایلر انکسار
ال تاپار دشمن علم یاتسا، هامی لشکر سینار
.
تابینون نعشینه دگمزلر بولون بو مطلبی
یخسالار آتدان ولی دوغرالّا صاحب منصبی
.
آه او ساعتدن او صاحب منصب اردوی شاه
صدر زین اوستن یخلدی، جراته گلدی سپاه
.
قلب فوج لشکر شامه زبس قویموشدی داغ
تیغ تیز الده هامی عبّاسی ایلردی سراغ
.
هر گلن بیر یاره ووردی آلدی اوندان انتقام
قالمادی سالم قاریشدی بیر بیره لحم و عظام
.
گوردولر بیر پرشکسته قوش کیمی جسمین خموش
ایتدیلر بی رحم لر صد پاره جسمین نیزه پوش
.
اوغلوم عبّاسین یارالی جسمین اعدا سویدولار
چون سپه سالاریدی یرلرده عریان قویدولار
.
باش سینوب، قولّار گیدوب، بیرق یاتوب، مشک اوخلانوب
اوغلوم عبّاسین وجودی قطعه قطعه دوغرانوب
.
اوج ایدوب اوغلوم حسینون عرشه واویلاسی
حشره دین قان آغلادور بو ماجرا من بی کسی
.
شرح حال حضرت امّ البنین اولماز تمام
هم حسینه هم ابوالفضله یاناردی صبح و شام
.
حضرت عبّاس چرخ عزّته بیر ماهیدی
نجم تالی اول مهه اوغلی عبید اللهیدی
.
گونده اول طفلین الی الده خانم امّ البنین
یوز قویاردی سمت قبرستانه محزون و غمین
.
مسکن ایلردی بقیعی گون قباقیندا مدام
چون فرات اشکین توکردی بانوی علیا مقام
.
کوچه دن هر کیمی گیچن وقته ایشیتسِیدی سسین
تاب ایدنمزدی، اوجالداردی فغان و ناله سین
.
والی یثرب که مروان جفا کرداریدی
مبغض شیرخدا و عترت اطهاریدی
.
بو عداوتله تعجّبدور او بی ایمانیدن
اول دنی بیر گون گیچوردی جنب قبرستانیدن
.
گوردی قبرستانیدن بیر سس گلور آرام آلور
کوچه دن هر کیم گیچور تاثیری قلبین پارچالور
.
سویلدی بو آغلیان کیمدور بیله فریاد ایدور
دوست و دشمن صبرینون سرحدّینی برباد ایدور
.
اول زنازاده ایدن ساعت بو طرزیله سوال
بیر نفر ویردی جواب ای والی عالی جلال
.
آغلیان بوردا ایدن صبح و مسا داد و انین
مادر عبّاسیدور، زوج علی، امّ البنین
.
اول زنازاده تاسّف قیلدی ایتدی آه و زار
بیر بیره ووردی الین، سسلندی الحق حقّی وار
.
خلق ایدندن عالم امکانی واللهی خدا
گورمیوب چشم جهان عبّاس تک صاحب وفا
.
خلق ایده مین بیله عالم گر خدای کائنات
مثل و مانندی ابوالفضلین گله هیهات هات
.
بو قراریله اُلونجه ایتدی آه و شور و شین
گاه ذکرین وا ابوالفضلا ایدوب گه وا حسین
.
آغلاماق سرحدّین عمرونجه بو خاتون یخمادی
گولمدی بیر گون یوزی، خاطردن اصلاً چخمادی
.
اوچ نفرده بو خانم تک جان ویرونجه آغلادی
چخمادی خاطردن آغلار گوزلی سینه داغلادی
.
بیر علی اکبر آناسی بینوا لیلائیدی
دلده وردی وای اوغول وای، ذکر واویلائیدی
.
اکبرین طوی حجله گاهینده او بیچاره خانم
ساچلاری الده یوزون سورتردی دیواره خانم
.
سسلنوردی باشیمه سنسیز قرا سالدیم اوغول
ای عجب سندنصورا دنیاده من قالدیم اوغول
.
کاش سن نوش ایلین ساعت اجل پیمانه سین
درک ایدِیدی پیک رحلت بو بلا همخانه سین
.
ای گل اوزلوم گل کیمی باتدون لب عطشان قانه سن
ایلدون مجنون کیمی بو لیلینی دیوانه سن
.
نوجوانی هر کیمون اُلسه اوغول وای دور سوزی
کیم گوروب گولسون بو دن یاده اوغولسوزلار یوزی
.
#حضرت_رباب
.
بیرده خاطردن اُلونجه چخمادی عفّت مآب
اصغرین بی کس آناسی معدن عصمت رباب
.
گون قباقینده گیدوب هر گون آچاردی اوز باشین
وای حسینیم وای دیوب جاری ایدردی گوزیاشین
.
حالی ایلردی خواتین حرمدن سلب تاب
حالینه محزون اولوب سویلردیلر اولدون کباب
.
کولگه یرلرده خانم اگلش فغان و داد ایله
گون قباقینده آز اگلش ناله و فریاد ایله
.
اگلشوم سویلردی آخِر کولگه یرلرده نجه
گون قباقینده حسینیم قالدی اوچ گون اوچ گجه
.
اوز گوزومله اول شهین گوردوم من عریان پیکرین
بی کفن، عریان، یارالی، قانه غلطان پیکرین
.
هرقدر ایتسم بو خاتونین وفاسیندن رقم
آخِره یتمز قالار تحریریدن عاجز قلم
.
جانینی جانانی شاه کربلادن سیچمدی
جان ویرونجه آغلادی، اصلاً سرین سو ایچمه دی
.
سو گورنده دلدن ایلردی فغان و شوروشین
سسلنوردی سو کنارینده سوسوز اُلدی حسین
.
شیرخواره بیر اوشاق گورسیدی ایلردی فغان
سسلنوردی وای علی اصغر اُلیدی کاش آنان
.
سالمارام دلدن سوسوزدان اود دوتوب اودلانماقون
تا حیاتیم وار منی قان آغلادور اوخلانماقون
.
آچمادیم سوددن سنی، سینمده قالدی اللریم
حلّ اولا ممکن دگل قلبیمده کی نسگل لریم
.
قلبیم اودلاندی اوجالدی دود بو کانونیدن
وار سراغیم بیر وفالی غصّه لی خاتونیدن
.
چخمادی خاطردن عمرینجه همیشه آغلادی
باب عیش و عشرتی دائم یوزینه باغلادی
.
کیمدی بو صاحب جلالت ایلیوم آدین بیان
عصمت کبری نشانی زینب بی خانمان
.
شرح حالی حضرت زهرانی هر آن آغلادور
محنتی عصرین امامین متّصل قان آغلادور
.
وار گمانیم ایمدیده فردوسیده خیرالنّسا
ساچلاری الده توکر اشکین دیر وا زینبا
.
گوسترنده قولّاریندا تازیانه یرلرین
حالینی آشفته ایلر حضرت پیغمبرین
✔️ عزاداری امام عصر در مصیبت حضرت زینب (س)
.
گوردی رویاده امام عصری بیر عالم سیر
عرض قیلدی ذکر ایدولّر روضه خوانلار بیر خبر
.
سن دیولّر جدّیوه دنیاده هر آن آغلاسان
بو سوزین وار اصلی آیی جدّیوه قان آغلاسان؟
.
جدّیوین هانسی غمی شاها موثّردور سنه
هانسی بیر غمده گلورسن صبح و شامی شیونه
.
حجّت ابن العسکری اول سائله ویردی جواب
قویمیوب کرب و بلا اوضاعی منده صبر و تاب
.
جدّیمون اوضاع عاشوراسینی یاد ایلرم
یاد ایدوب هر بیر غمین صبح و مسا داد ایلرم
.
اهل سن امّا سنی آگاه ایدوم بو مطلبه
متّصل قان آغلارام دنیاده عمّم زینبه
.
عرض ایدوب یا سیّدی هانسی غمینده آغلاسان
هانسی حالی عمّه وین ذکر اولسا سینه داغلاسان؟
.
ایتدی فرمایش همان گون که او بانوی عزیز
خیمه لردن باش آچوق میدانه گلدی اشک ریز
.
گوردی جدّیم قتلگاه کربلاده جان ویرور
چشمه چشمه گل وجودینده یارالار قان ویرور
.
قتلگهده برملا بیر محشر عظمائیدی
بیر حسین بیر شمریدی بیر زینب کبرائیدی
.
قارداشین اوردا او حالیله گورن گوندن مدام
وا حسین ذکر ایلیوب قان یاش توکردی صبح و شام
.
بیر نفر ساکت ایدنمزدی فغان و شیونین
جان ویرونجه ساخلاموشدی سینه ده پیراهنین
.
سینه ده کوینک، گوزونده گوزیاشی، دلده فغان
وای یارالی قارداشیم وای ذکر ایدوب تا ویردی جان
.
ای #حسینی ختم ایله تنگ اولدی آخر حوصله
بو سوزه ایسته امام عصریدن عالی صله
.
سن اوز عصرونده نه #سعدی_زمان سان فخر ایله
جدّیوه بزم عزاده نوحه خوان سان فخر ایله
.
نیمۀ شعبانیدی مولود ابن العسکری
رشتۀ نظمه چکنده بو یانقلی سوزلری
.
حجّت ابن العسکریدن ایسته دنیا عزّتین
عزّت دنیائیله کسب ایله عقبی عزّتین
.
#ورود_مدینه
#حضرت_ام_البنین
#سعدی_زمان
#چون_ز_شام_آمد_به_یثرب_عترت_حبل_المتین
#کاروان_شام_ایدوب_چون_شهر_یثربده_مقام
#لمعات_حسینی ص 244
#ترکی
.
.