تا چراغ حضرت زهرانی خاموش ائتدیلر #حسینیه_بیضا_اردبیلی

حالات شهادت امام حسین (ع)
.
✍️ #زبدةالاشعار ✍️
.
🆔: @nohe_torki
.
مرحوم بیضا اردبیلی
.
تا چراغ حضرت زهرانی خاموش ائتدیلر
ظلمیله بیت اللهینی قراپوش ائتدیلر
.
.
ظلمینی محضیله دولدوردی او اشرار عالمی
یاندیروب آفاقی ائتدی تیره و تار عالمی
شاه مظلومان دولاندی تاپمادی یار عالمی
نعرۀ هل ناصر ینصر او چاوش ائتدیلر
.
.
ایلدیلر نهر علقمده او عباسی شهید
زینب بیچاریه قطع اولدی هر یردن امید
قوللارى باغلانماقا اولدی طنابه مستعد
کربلا تپراقینی زینت بسر دوش ائتدیلر
.
.
اصغرون قونداقی آغوشنده شاه کربلا
وئرمدیلر بیر ایچیم سو هرچه قیلدی التجا
حرمله ظالمده بیر اوچ شعبه پیکان برملا
اصغرون نازک بوغازینه هم آغوش ائتدیلر
.
.
.
باشینه خاک مصیبت سپدی اهل ماتمون
بو مصیبت حشره دین قان ائتدی باغرین عالمون
بیر علی اکبر شبیهیدی رسول خاتمون
قطعه قطعه دوغریوب دشمن فراموش ائتدیلر
.
.
مشگی قانیله علمدارون دولوب یاتدی علم
من کسرّه زهری قیلدی عالمون قدینی خم
نالۀ اطفال عطشدن عرشه چیخدی دمبدم
خیمه لرده گوز یاشین دریا کیمی جوش ائتدیلر
.
.
یار و انصار حسینی تشنه لب قوم ظلام
قطعه قطعه دوغرادیلار قویدولار خارجی نام
وئرمدیلر زنگبار و رومه یول گئتسون امام
دو تدولار دنیانی، عقبانی فراموش ائتدیلر
.
.
وئردی یغمایه جناب قاسمون طوی حجله سین
ایلین اولمادی مدفون پیکر صدپاره سین
نوعروس بینوانون ئولدوروب دادرسین
غارت اول گوشوارۀ زینب بناگوش ائتدیلر
.
.
#حسینیه_بیضا_اردبیلی
#حسینیه_شهادت
#تا_چراغ_حضرت_زهرانی_خاموش_ائتدیلر
#ترکی
.
✍️ #زبدةالاشعار ✍️
.
🆔: @nohe_torki