کربلاده سارالان گللره سو ویرمدیلر #اصغریه_غفاری_زنجانی

حالات حضرت علی اصغر علیه السلام
..
..
..
..
..
#سبک اصلی #سبک_ای_منیم_آرخام_ایلیم … #سبک_یارالی_جان_یارالی … #سبک_شهریاریمسن_آقا … #سبک_کربلا_منتظر_ماست … 4 سبک …
..
..
..
..
حاج اکبر غفاری زنجانی
..
..
..
..
..
کربلاده سارالان گللره سو ویرمدیلر
تاپمادی چاره رباب، اصغره سو ویرمدیلر
دلبره سو ویرمدیلر
اصغره سو ویرمدیلر
..
..
..
..
..
آلدی آغوشینه قنداقین آچوب گه بلدی
گاهی رخسارینه گوز یاشینی گوزدن الدی
سارالان صورتی اشک غم و محنت بلدی
آتش غمده یانان مادره سو ویرمدیلر
..
..
..
..
..
موج ایدوب بحر کیمی آخدی چوله آب فرات
سووا حسرت قالوب اولاد قتیل العبرات
غرق اولوب غمده هامی تاپمادولار راه نجات
اود ویروب سوز عطش، دیللره سو ویرمدیلر
..
..
..
..
..
یاندی باخدوقجا آنا تشنه قالان اصغرینه
توکدی گوز یاشینی تا سو یرینه لبلرینه
دوشدی شبنم کیمی برگ گل خوش منظرینه
حیف اولا اول گل خوش منظره سو ویرمدیلر
..
..
..
..
..
دیدی ای کوکبیم آغلار سنه شمس و قمریم
تشنه لوخ آتشینه یاندی بو قلب و جگریم
گیدور الدن گورورم باغ وفاده ثمریم
غم سالوب اود دل پر اخگره سو ویرمدیلر
..
..
..
..
..
گه دیور شاهد اول الله گوروسن یاندی بالام
گه سوسوزلار دولانور الده هره بیر قوری جام
آختارولار هامی سو تشنه لوقا یوخدی دوام
کوفیان عترت پیغمبره سو ویرمدیلر
..
..
..
..
..
قاریشوب قلبلرین قانی آخان گوز یاشنا
نگراندی چوخی آغلور‌ صود امر قارداشنا
بعضی ایستور دولانا خیمه ده سقا باشنا
دیه دردین او هنر پروره سو ویرمدیلر
..
..
..
..
..
بیری سویلر عمو گل دادیمه قربانون اولوم
ویر قولاق ناله و فریادیمه قربانون اولوم
گور عطش اود سالوب اکبادیمه قربانون اولوم
باخ سوسوزدان قوریان لبلره سو ویرمدیلر
..
..
..
..
..
بیری سویلردی که ای صاحب اوصاف و کرم
عمو احسان ایله سو، لطفووه چوخ مستحقم
قارداشیم تشنه دی غمدن ئوله آز قالدی ننم
بیر علاج ایله اوغم پروره سو ویرمدیلر
..
..
..
..
..
آنا شرم ایلوری سقایه دیه دل سوزونی
لطف عباسه اوزاقدان تیکوب اما گوزونی
دیه بیلموردی هلاک ایتدی بالام ئوز ئوزونی
صود امر طفل شه محشره سو ویرمدیلر
..
..
..
..
..
بو مسلّمدی که «غفاری» هر هوشیار بیلر
اولماسا شاعر و مداحیده آغلار گوز اگر
مستمعلرده یوخ امکانی سوزی قویسون اثر
آغلا سن یاز بو سوزی اصغره سو ویرمدیلر
..
..
..
..
..