کوچ قافله آقا اباعبدالله علیه السلام از مدینه نبوی
.
✍️ #زبدةالاشعار ✍️
.
🆔: @nohe_torki
.
مرحوم انور اردبیلی
.
حقیله باطل ازلدن حال رویاروده دور
اتکای حق همیشه حضرت معبوده دور
باطلون نیروسی عاجز قدرتی محدوده دور
جند باطل جنگ ایدوب هر سبکده هر رنگده
حق اونا پیروز اولوبدور اختتام جنگده
.
.
زورگو حاکملره تاریخدور کار آشنا
کهنه دنیا چوخ گوروبدور مستبد فرمان روا
چوخ ابر قدرت اولوبدور ملته بی اعتنا
قصر و ایواننده نغمه باشلیوب جغد بلا
پیکرینده هضم ایدوبدور معده خاک فنا
.
.
دورت یوز ایل عمر ایلدی فرعون طغیانگر تمام
ملتی زنجیر استسماره چکدی صبح و شام
بر علیه ذات اقدس ایلدی آخر قیام
دامن ناپاکنی قهار دوتدی آبده
ال ایاق چالدی اوزی هم لشگری غرقابده
.
.
ابرهه تصمیم دوتدی کعبه نی یتسون خراب
قتلنه طیر ابابیل اولدی فوراً انتخاب
حفظ ایدن وار کعبه و قرآنی ای عالیجناب
واهمه اولماز اولوالامر و اولوالبابده
مُنتقم بیدار دور ظالم سریر خوابده
.
.
ملّته اوچ ایل یزید پست اولدی حکمران
اوچ ایلون ارصنده یتدی بلدقین چوخ بوکدی قان
شحنه شهر اوغری اولسا مردمه قالماز امان
پست لر اطرافین آلدی طرد ایدوب عالی لری
نصب ایدوب استانلارا دل بلمین والی لری
.
.
باب ناپاکی وصیت ایتمشیدی ای یزید
منکه دوزیول گئتمدوم رفتارده اولی پلید
حکممون اجراسنی سعی ایلیوب دوتدوم شدید
دینمی ساتدوم قوشولدوم زمرۀ اهریمنه
تاج و تخت و سیم و زر ایتدوم فراهم من سنه
.
.
ایستسون باشون جهانون دوشمیه غوغاسینه
بیر وصیت ایلورم مأمورسن اجراسینه
خصم دور آل امیه گر چه آل یاسینه
کیم مخالف اولسا سنله یوخ سوزوم دعوا ایله
تک حسینی بو عملدن لیک استثنا ایله
.
.
من علی ابن ابوطالبله اولدوم روبرو
زهریمی ایچدی ویروب جان مجتبای پاک خو
کسمیشم چوخ باشلاری بی محکمه بی گفتگو
بیر حسینه دینمدوم فکر ایله دینسون یاخشیدی
ایلمز بیعت سنه حتماً کچسنون یاخشیدی
.
.
گرگ خونخوارون سوزون نادیده دوتدی گرگ زاد
یثربون والیسینه یازدی یزید بد نهاد
متن فرمانینده گنجانیده اولدی بو مفاد
ای ولید عُتبه دستوری موکددور سنه
یا حسیندن بیعت آل یا کس باشین گوندرمنه
.
.
گلدی فرمان والی یثرب بلوب برنامه نی
محنته پیچیده اولدی درک ایدوب هنگامه نی
حضرتی احضار ایدوب تسلیم قیلدی نامه نی
من یزیده ویرمرم حضرت دیدی اقرار الین
باشمی شمشیره ویرم دوتمارام میخوار الین
.
.
من پیمبر اوغلیام کیمدور یزید نابکار
مرز دینه عنصر ناپاک اولانمازپاس دار
مسته ویرمز اختیار زندگیسین هوشیار
سلطنت تختینده قالسا خلقی خوار ایلر یزید
دامن تاریخ دینی لکه دار ایلر یزید
.
.
منده دی دینون گوزی بی دینه حامی دورمارام
باش ویروب آزادگینون قیمتین سندیرمارام
بازوان عدل اسلامه گره ویردیرمارام
من حسینم فاطمه اوغلی خدا دلداده سی
بیعت ایتمز فاسقه آزاده لر آزاده سی
.
.
ایلمز پروا حسین تهدیدن اخطاریدن
مرد منطق دشمنی مرعوب ایدر گفتاریدن
سوزلرین قورتاردی چخدی بزم فرمانداریدن
یوزقویوبدور روضه پر رحمت پیغمبره
ایلسون درد دلین اظهار او عالی محضره
.
.
السلام ای فیض بخش عالم امکان بابا
السلام ای افتخار مکتب قرآن بابا
آزقالور ویران اولا سن قویدوقون بنیان بابا
زادگاهی اوغلوا اولسون چتین ایمن بابا
قتلمون فرمانی گلدی گوزلرون روشن بابا
.
.
مبتلایم دردمندم بی طبیب اولدم بابا
سویگلون محبوبوم من بی حبیب اولدوم بابا
اوز یریمده اوز مدینمده غریب اولدم بابا
یارلریوز دوندیروبدور اوغلوا اغیار اولوب
اوز ایویمده زندگی ایتمک منه دشوار اولوب
.
.
تاب ایدوب یثربده قالسام ای نبی پاک خو
آبرو قویماز منه بو امت بی آبرو
محضرونده بو حسین تکلیفین ایلور جستجو
قالماقیم مشکلدی دردیمدن ایدوم آگه سنی
واردی امکان مسجدونده ئولدوره دشمن منی
.
.
تکیه ایتدی قبره باشین هوش آپاردی گوزلرین
درک ایدوب رویاده ختم الانبیانون محضرین
سسلنور اوغلوم تحمل ایله دنیا غملرین
مدفنون دشت بلا تختون شهادت تختی دور
چخ وطندن فی سبیل الله جهادون وقتی دور
.
.
ایتمسون نهضت عزیزیم ذکر الرّحمان گیدر
مکتب ایمان گیدر برنامه قرآن گیدر
عرض ایدوب اوغلون حسین قرآنوه قربان گیدر
هرنه فرمان صادر ایتسون مورداجراده دور
ناگران اولما بابا قربانلاریم آماده دور
.
.
وار امیدیم لایق جانان اولا قربانلاریم
مست اولا پیمانۀ حقّیله هم پیمانلاریم
ایلیه قرآنی زنده قاری قرآنلاریم
عدّه م آزدور غم یمه ای مفخر آل عبا
صودامر اوغلومدا وار اون یدّی گونلوقدور بابا
.
.
ترک ایدوب غمله جوار حضرت پیغمبری
یادینه ناگه دوشوب اللرده اولمش مادری
نصف شب اولدی حسین گزلین مزاره مشتری
آلدی آغوشه آنا قبرین شهید کربلا
دیدوه گلمش دیدی مظلوم بالون مظلوم آنا
.
.
تنگنای زندگیدن روزگریم تاردور
تربتوندن ایریلا اوغلون حسین ناچاردور
گلمشم قبرون اوپم بو آخرین دیداردور
آزقالور غم کاروانی شهریدن دوشسون یولا
آزقالور ایستکلی قزلارون بیابانگرد اولا
.
.
جانشینون زینبون توفیقنی ایله دعا
اهلبیته سرپرست اولسون گرک اول بی نوا
من ئولوب قورتاررام اما اوندان الچکمز بلا
نهضتیکه ایستورم تاپسون جلال و مرتبه
اوّل اللهه صورا امّیدوارم زینبه
.
.
ترک ایدوب زهرا مزارین ایتدی قصد خانمان
باشینه جمع ایتدی اولاد علینی ناگران
گتملی اولدوم دیدی یثربده یوخ تأمین جان
قالماقا امکان یوخومدی ناگریزم گتمگه
کاروانی ایلیون آماده سیز کوچ ایتمگه
.
.
وقت او وقت اولدی دیارین ترک ایده آل خلیل
غصه و غمدن دوشوبدور اضطرابه جبرئیل
سسلنوب یثربده طاوس ملائیک الرّحیل
یثرب اهلی گتموسوز آرامشیله بستره
نصف شبده یوز قویوب پیغمبر اوغلی چوللره
.
.
سسلدی عبّاسی حاصل پیشوای پارسا
اضطراری کوچه فرمان ویردی سبط مصطفی
ایستدی محملده اولسون آل عصمت جابجا
واردی بیر نسکل لی عنوان ذهنوه تاپشور اوخی
چون گیجه کچمشدی یاتمشدی اوشاقلارون چوخی
.
.
بانوان محترم اصلاً اوجاتموردی سسین
دیسگینوب خوبه گیدنلر آچماسونلار دیده سین
هرآنا آلدی قوجاقه طفل خواب آلوده سین
چخدی ایودن دیلده یا الله یا حافظ دیدی
امّ سلمه بیرده صغرایه خداحافظ دیدی
.
.
ساکنی چخدی اولوب خالی اطاقلار بیربه بیر
ایولری ظلمت دوتوب کچدی چراغلار بیربه بیر
هودجنده اگلشوب عورت اوشاقلار بیر به بیر
چخدی بلبلر مصیبت یوز ویروب کاشانیه
جُغد غم گلدی اطاقلار اوخشادی ویرانیه
.
.
کاروانه بیر نظر سالدی امیر کاروان
باش ویروب کرب و بلا مهمانلاریندان گوردی سان
امر ایدوب یول باشلیون قوی باغلی قالسون خانمان
شاهد اولسون گویلرون چشمک وران اولدوزلاری
دویمیوب اوز خانمانندان حسینون قزلاری
.
.
کاروان یول باشلیوبدور دوشدی آردیجان بلا
آل هاشم کوچه سیندن قطع اولوب دور سس صدا
سسلس ائولر نیمه شب اولدی سکوته آشنا
پیچ و تابه دوشدی صغرا شاخۀ لرزان کیمی
رحم ایله الله دیدی اولدی ایویم زندان کیمی
.
.
هر گیجه واریدی منزل لرده عالی منظره
فیض بو ایودن یتوردی عالم پهناوره
قاری قرآنلاریم دوشدی خدایا چوللره
مکتب توحید و ایمانیدی بو خوش منظرایو
محبسه دوندی نجه یارب بهشته بنذر ایو
.
.
قبله گاهمدن آتامدان سروریمدن دویمادیم
دل دوشوبدور اضطرابه دلبریمدن دویمادیم
دلبریم اکبردی الله اکبریمدن دویمادیم
غصه و غمدور قالان یوخ آیری بر یولداش منه
نه آتا قالدی نه عمه نه باجی قارداش منه
.
#حقیله_باطل_ازلدن_حال_رویاروده_دور
#حماسه_شهدا
#ترکی
.
.
✍️ #زبدةالاشعار ✍️
.
🆔: @nohe_torki
نظر دهید