گزارشی از صبح عاشورا، گریز به علی اکبر علیه السلام
.
.
محمد تقی میرزایی
.
.
کربلا دشتینده تا که گرم اولوب بازار عشق
سبط ختم الانبیاء اولدی سپهسالار عشق
.
.
باغلیوب احرام عشقی عاشقان جان به کف
باشلیوبلار تلبیه لرزان اولوبدی ارض طف
عرشیده دورموش تماشایه ملائک صف به صف
گلدیلر تحسین و مدحه اوندا با شوق و شعف
سسلنوبلر مرحبا اولدوز بو گون دلدار عشق
.
.
منتظر دورمیشدیلار تا اذن ویرسون شاه دین
ایلسونلردشمنین ابطالینی نقش زمین
دللرینده ذکر یاهو قوزانیر عرشه شمین
صاحب مجد و شرف دشمنلری لیکن عمین
هر بیری ئوز جایگاهینده اولوب سردارعشق
.
.
تا اجازه صادر ایتدی حجت الله العظیم
حرب گاهه ئوز قویوب بیربیر او شیران جسیم
چکدیلرشمشیری وحشت دوتدی مردان خصیم
یاغدیروبلا دشمن شومه اودم نار جحیم
حشری برپا ایلیوبدور گوئیا انصارعشق
.
.
ابن سعدون لشگریندن آلدیلار تاب و قرار
بعضیلر باشسیز قالوب بعضیلر ایلوبدور فرار
کشته لر ئوسته اولان وقتینده کشته استوار
یانماقا ناراهلینه نار اهلی اولموشدورسوار
ایلینمز بیر بیله غوغانی الا کار عشق
.
.
بیرقدرجنگ ایلیوب آخر مراده چاتدیلار
زادۀ زهرادن ئوتری خاک و خونه باتدیلار
بستر پرقو یرینه تپراق ئوسته یاتدیلار
بخته باخ ئوزقانلارین ثاراللهیله قاتدیلار
باش ویروب جانان یولوندا اولدیلار همکارعشق
.
.
چاتدی نوبت آل هاشم رزمه قویسونلار قدم
آدلارین تا دفتر عشق ایچره ایتسونلر رقم
گورمسونلرتشنه لیقدان آغلیور اهل حرم
اشبه طاها اولوبدورعازم میدان اودم
بدرقه گوزیاشلی ایتدی اوغلونی سالارعشق
.
.
تلین اوسته تانمایان اولدی اکبر ماه تک
لشگری ابهتیندن قویدی حیران شاه تک
بعضی سویلردی ندن گلمش بوعالی جاه تک
بسکه زیبادور بونی خلق ایلیوب آلله تک
گورسنور جاه و جلالیندن بونون اسرارعشق
.
.
گورجگین بعضی دیوبدورختم پیغمبردی بو
عده ای اظهار ایدوب یوخ فاتح خیبردی بو
اولمیا بعضی دیردی حمزه یاجعفردی بو
سعدون اوغلی سسلنوب آگاه اولون اکبردی بو
بووجاهتلن گلوب میدانه اولسون یارعشق
.
.
قاف زین اوسته دوروب ذریۀ پاک خلیل
تن به تن کیم جنگه گلدی دوزخه اولدی رحیل
بکری هم دورد اوغلونی ایلوبدی فی لفوری قتیل
تلین اوستن مرحبا سسلندی عباس جلیل
اکبرین جنگین بگندی یعنی پرچمدارعشق
.
.
بیربه بیر کیم گلدی تیغ اکبره اولدی دچار
نعشی یرده مرکبی اما قیتدی بی سوار
لشگره فرمان ویروبدی ابن سعد نابکار
تیرو نیزه یلن اونون روشن گونون ایتسونله تار
قطعه قطعه ایلسونلرجاری اولسون ثارعشق
.
.
تیغ برانین چکوبدور سبط پاک بوتراب
لشگرکفرو نفاقه ایلیوب نازل عذاب
باشلاریندان ویرجاقین دورد ایلیوردی بادواب
دورمادی بیرکس برابرده اونا ویرسون جواب
خیمه گاهه گلدی تا که ایلیه اظهار عشق
.
.
خسته و یورقون گلوبدی گوردی مولا اکبرین
تیرو نیزه ایلیوب قانیله الوان پیکرین
لبلریندن بوس ایدوب توکدی یوزه اشک ترین
تز دهان اکبره قویدی اوشه انگشترین
اولدی ظاهر جنت من تحتها الانهارعشق
.
.
گوزلرین ئوپدی دوباره عازم میدان ایدوب
ذات حق ممسوسنی قربانی جانان ایدوب
ال جوانیندن ئوزوبدور عالمی حیران ایدیب
هرنفس آلدیقجا اکبر آدینی عنوان ایدیب
هی صعود ایلورگویه علت اودورانوار عشق
.
.
تلیدن اکبرانوب میدانه چون شیر ژیان
صفلری برهم ویروب قالخوب گویه دادو امان
ابن سعدون گوزلرینه تنگ و تار اولدی جهان
قاچدی بعضی لر اولوبلار پشت لشگرده نهان
قدرتین اکبرده ظاهر ایلیوب دادار عشق
.
.
غفلتا بیرظالم اما ویردی خنجر باشینه
آی کیمین منشق اولوب باش یاره چاتدی قاشینه
شیشۀ عمر حسین توش اولدی محنت داشینه
عالم معناده زهرا غرق اولوب گوزیاشینه
تیتریوب بوما جراده گنبد دوارعشق
.
.
باشینون قانی آخوبدورگل یوزه اولدی نقاب
مرکبون بوینون قوجاقلوب ایتدی فرمایش ای عقاب
منتظر قویما آنامی خیمه گاهه قیل شتاب
اگلشم زین اوسته واردورمنده نه طاقت نه تاب
سن گورورسن جسمیمی اولموش نجه گلزارعشق
.
.
مرکبین کسدی قباقین بی مروت مردیلر
جان لیلانی سالوبدی تپراقا نامردیلر
داس ظلمیلن کانه قرمزی گل دردیلر
ایتدیلرپرپراونی گل تک ترابه سردیلر
بیرعبا ایستر یغیلسون تا اولا طومارعشق
.
.
دل دوتاردوتماز فقط عرض ایتدی بابا السلام
العجل ثم العجل دیداره ای میر انام
سوویروب جدیم منی قویمادی ایندی تشنه کام
بیلمورم نه حالتیلن گلدی میدانه امام
قانه غرق اولموش گوروبدوربیردرشهوارعشق
.
.
یوزه یوزه قویدی کانه دوشدی گون ماه اوستونه
غم سپاهی حمله گتدی شاه ذی جاه اوستونه
هرنفس آلدوقجا چکدی آه دل آه اوستونه
بسمله یرتاپدی گویا قل هوالله اوستونه
عرش و فرش اهلی بولوبلرکه ندور معیارعشق
.
.
ایتدی فرمایش منه سس ویرداریخدیم آی بالا
اوت دوتوب یاندیم جگردن یاروه یوخ سای بالا
ایندی میدانه گلوب عمون دیر ایوای بالا
قوی خیامه حمل ایدوم چالسون ننون لای لای بالا
آغلیاندا قیزلاریم ظاهراولارآثارعشق
.
.
بسدی میرزائی قوتارویرمه ادامه مطلبه
فجرصادق چاتدی پایان ویردی ساعات شبه
بیرنچه مدتدی سالمش غم سنی تاب تبه
ویرقسم طاها شبیهین دخت زهرا زینبه
غملرون رفع ایلیوب ایتسون ولی بیمارعشق
.
.
.
#اکبریه #محمدتقی_میرزایی #اکبریه_شهادت #ترکی #زبدةالاشعار
نظر دهید