زبانحال حضرت رقیه (س) خطاب به دختر یزید در خرابه شام
.
✍️ #زبدةالاشعار ✍️
.
🆔: @nohe_torki
.
مرحوم دخیل
.
من مکه و مدینه و بطحا غزالیم
گویلوم دولوبدی قانیله از بس یارالیم
.
نه مایل جلال و نه جاه و نه شوكتم
من عاشق شبیه پیمبر جمالیم
.
دولموش رگیله پوست تولّای دوستدن
مدّتدى شوقمند جواب و سئوالیم
.
ذکریم واریمدی دودۀ آل خلیلدن
و ورد ایلرم که شاه ولی پیشوالیم
.
درگاه حقده صبح و مسا یا علی دیوب
آهو مثال هو چكرم وا اخالیم
.
درویش خاکسارم و اولاد بوتراب
مولا کیمی صفادہ نظر کیمیالیم
.
دم آلموشام چو شاه نجفدن حقیقتی
وجهی بودور بو آهیله من حق نمالیم
.
شاهد دی گردنیمده بو قیدیله سلسله
لاقید اولماقیمدان على مُقتدالیم
.
بیر پر شکسته قمری گلزار عفّتم
زاغ و زغن جفالرینون بسته بالیم
.
عزت گوزیله باخسان اگر بانوی حجاز
ذلت گوزیله باخسان اگر کربلالیم
.
پیر طریقتیمدی حقیقتده عابدین
مرشد بی بیمدی منده مرید وفالیم
.
کشکول گوزلریمدی دوشاخَمدی مَنتَشا
بازار شامی دور أیدرم لااُبالیم
.
چل تاردور باشمدا کی گیسوی مشگفام
تاج تَقرّبیمده شهنشه عیالیم
.
سن سویلوسن همیشه سنیله ندیم اولاخ
من طالبم صداقته صدق و صفالیم
.
سنله منیم مصاحبتیمم هاردا ساز اولور
سن اهل چنگ و نای ، ولی من عزالیم
.
غملر ووروبدی شانه منیم تار زلفیمه
گلّم نوایه نی کیمی چون نینوالَیم
.
سوز و گداز و ناله و آهیله شامدن
سالدیم حجازه شور گنه آه و والیم
.
خلخال و گوشواره می شمر لعین آلوب
بولموشدی چون ممالک عشّاقه والیم
.
دریای غم سفینه سی آدیم رقیه دی
طوفان نوح باده وئرن ناخدالیم
.
باشیم آچوخ خرابه یریم خلق بی حیا
چهره مدى قُرص مهر ز بس مه لقالیم
.
درسیم روان اولوبدی گنه شمر دون وورار
دامه سالوب خیال ایلیوب من ختالیم
.
شام اولدی شام شومدن آزاد اولانمادیم
حیرتده قالموشام نجه باشی بلالیم
.
#حضرت_رقیه_شهادت
#من_مکه_و_مدینه_و_بطحا_غزالیم
#ترکی
.
.
✍️ #زبدةالاشعار ✍️
.
🆔: @nohe_torki
نظر دهید