کیمه شمر شوم الیندن ایلیوم شکایت عمه #حضرت_رقیه_انور_اردبیلی

زبانحال حضرت رقیه (س)
خطاب به حضرت زینب (س)
..
..
..
..
..
مرحوم انور اردبیلی
..
..
..
..
..
کیمه شمر شوم الیندن ایلیوم شکایت عمّه
آتاسیز گوروب منیلن ایلیور عداوت عمّه
..
..
..
..
..
سن اوزون بلورسن عمّه که عزیزه بیر قزام من
فلک حیا وحلمه بیر ایشقلی اولدوزام من
نه آتام نه قارداشم وار ولی ایندی یالقوزام من
بدنیمده یوخ توانا اریدوب اسارت عمّه
..
..
..
..
..
منی شمره تاپشوران یوخ ایده مختصر مدارا
وروب اینجدوبدی بسکه بدنیمده یوخدی یارا
باشیم ووراندا قمچی اونا چوخ اولور گوارا
اورگینده بلمورم وار نقدر قساوت عمّه
..
..
..
..
..
دیمورم عزیزه ام من دولانوم قاباق کی لار تک
زر و زیوریم یوخومدی سویولوب گیدوبدى نینک
دیه بر نفر او شمره بو یتیمه قزدان ال چک
گله رحمه بلکه منلن ایده آز لجاجت عمّه
..
..
..
..
..
منی شمر دون سالوبدی بی بی تابیدن دوزومدن
یوزومه وروبدی سیلی بیری گیتمیوب یوزومدن
ایله حالتیم پوزولموش اوتانورام اوز اوزومدن
یوزیمه باخاندا هر کس چکورم خجالت عمّه
..
..
..
..
..
غم و محنت جهانی بُؤلن اولسا قسمه قسمه
هامی قسمتین او ظالم ایلیوب بو خسته جسمه
وورا وورا تازیانه گتوروب سالوب طلسمه
منى الده ئولدوروبدور ایلمور کفایت عمّه
..
..
..
..
..
منی چوخلاری بو حالدا گوروب عمّه آغلیوبدور
یانورام گورنده شمری اورگیمی داغلیوبدور
قولومی طنابلن که وورا وورا باغلیوبدور
منه حدّیدن علاوه ایلیوب اهانت عمّه
..
..
..
..
..
او قوشام قنادی باغلی غم و محنته نشانم
ستمیله اودلانوبدور کول اولوبدور آشیانم
پوزولوبدی گلستانیم اوجالوبدی غم ترانم
گجه گوندوز آغلاماقدور منِ زاره عادت عمّه
..
..
..
..
..
او مسافرم سو اوزره یته داده یوخ بلم چی
رقم اوسته محنتیمی گتورنمز هیچ رقم چی
آتاسز قزون وورالار باشنا بوقدری قمچی؟
باش آچوق قویوب ایدرلز اوزینه شمانت عمّه
..
..
..
..
..
اورگ ایستمور سیلم من خس و خاکی توکلریمدن
الیمی ووراندا تُپراق النور هوروکلریمدن
یاتورام سزلتی قالخور اریمش سوموکلریمدن
نجه من حصیرون اوسته ایدوم استراحت عمّه
..
..
..
..
..
نجه پل دگنده عمّه توکولر خزان گیاهی
النور بو قاره زلفون یره رشتۀ سیاهی
چوریور دمیر قفسده او کسونکه یوخ پناهی
نجه دشمنون الیندن قوتارار سلامت عمّه
..
..
..
..
..
نجه گور سولوبدی گل تک گله بندین دوداقلار
باشمون توکون گورنده منیم آغلیار داراقلار
جمع اولور خرابه یرده منی گورمگه اوشاقلار
دوزه بلمورم چنین دور بلوسن ملامت عمّه
..
..
..
..
..
منی کیم گورور بو حالدا دانشور ملامتیله
حالمی سوروشسا هر کیم سوروشور اهانتیله
گلنون ولی جوابین ویرورم شهامتیله
نقدر ادامه آخر تاپاجاق بو حالت عمّه
..
..
..
..
..
اور گیم غمین گلنلر نه بلور نظاره ایله
ولی ظاهراً گورولّه منی خشت پاره ایله
سنه آجلقمی تنها دیمیشم اشاره ایله
بله بلمز اوزگه بسدور منه بو شهامت عمّه