زبانحال و استمداد علمدار کربلا به امام حسین (ع)
..
✍️ #زبدةالاشعار ✍️
.
🆔: @nohe_torki
.
#سبک_علی_اصغر_مه_انور … 8 سبک
مشابه
.
مرحوم کاتب اردبیلی
.
.
یخوب دشمنلریم قارداش منی میدان آراسندا
یتش فریادیمه قویما منی عدوان آراسندا
گل ایندی گور علمداری
اولوب قانی سو تک جاری
.
.
ازل من تفرقه سالدوم بو قومون اتفاقینه
صدای نالۀ خصمی اوجالتدوم عرش طاقینه
نقدری واریدی قولّار وئرردوم اوخ قباقینه
سالوب آغوشه ساخلاردوم سو مشکین جان آراسندا
.
.
خیامه سو گتورمکده نقدری سعی ائدردوم من
نه چاره اولمادی ممکن آلوب اطرافیمی دشمن
نه قول قالدی نه سو مشکیم خجالت اولدوم اصغردن
دگوب از بسکه اوخ جسمیم قالوب پیکان آراسندا
.
.
سینوب شهپر دچار اولدوم بو اعدای جفاجویه
قالوبدور گوزلریم یولدا باخار حسرتله هر سویه
اورکده مطلبیم واردور باخام بیرده او مه رویه
گل ایندی قویما عباسی غم هجران آراسندا
.
.
باغشلا خیمه گاهه من گلنمم سن گل امداده
ستمله کسمگه باشیم اولوب قاتللر آماده
قوشون دریاتک هریاندان گلوب موجه بوصحراده
قالوبدور زورق جسمیم اخا طوفان آراسندا
.
.
شکایت ائتمرم دشمن ایکی قولاریمی سالدى
منی بو یاندیرور قارداش سکینه منتظر قالدى
او طفل مضطرون آخر سوسوزلوق طاقتین آلدى
رضایم غیرتیمدن من وئرم جان قان آراسندا
.
.
بو قدری کاتبا یازما دوتار اود خامه و دفتر
مبارک اسمین عباسون همیشه ائتگیلن ازبر
بونوعی عرض ائدوب گویا حسینه اول وفا پرور
یخوب دشمنلریم قارداش منی میدان آراسندا
.
.
#عباسیه_کاتب_اردبیلی
#عباسیه_شهادت
#یخوب_دشمنلریم_قارداش_منی_میدان_آراسندا
#ترکی
.
✍️ #زبدةالاشعار ✍️
.
🆔: @nohe_torki
نظر دهید