گرک افغانه دل هجرونده قارداش بی امان گلسون #وداع_دلپاک

زبانحال حضرت زینب (س)
در وقت وداع با امام حسین (ع)
..
..
..
..
..
رضا غلامپور(دلپاک)
..
..
..
..
..
گرک افغانه دل هجرونده قارداش بی امان گلسون
ئولونجه چشمه تک گوزدن یوزه اشک روان گلسون
..
..
..
..
..
وداع ائتدوقجا اهلیندن مسافر مین خیالیله
عیالی آردیجان بیر آز گئدر یول خوش مقالیله
ائدورسن ایمدیکی عزم سفر سنده بو حالیله
باجین نچه قدم آردینجا یول اوسته دایان گلسون
..
..
..
..
..
سن ای هر امری ذرات وجوده واجب الطاعت
بئله تک گئتمه وی اهل نیازه قبله ی حاجت
سنیله رزمگاهه گئتماقا امر ایله بو ساعت
بو مأوایه سمادن صف به صف کروبیان گلسون
..
..
..
..
..
دایان نخل وصالوندان دریم یول اوسته بیر خوشه
قویوم صندوق قلبه تا منه دائم اولا توشه
دایان قارداش سنی جان تک چکیم بیر یولدا آغوشه
تواندان سلب اولا قلبه سنیله تا توان گلسون
..
..
..
..
..
یول اوسته ای منیم بیر عمر آدی ورد زبانیم دور
ایاق ساخلا دایان تک گئتمه ای روح و روانیم دور
روانیم هر سوزوم هر صحبتیم هر بیر بیانیم دور
اجازه وئر سنیله تلّه جن بو باغریقان گلسون
..
..
..
..
..
باخاندا گوزیاشیم قانه دونیر گوزیاشیوا قارداش
باجین ئولسون نه گلدی اوغلوا قارداشیوا قارداش
تصدق ائت من زاری دولاندور باشیوا قارداش
که هر دردون منه ای طائر خلد آشیان گلسون
..
..
..
..
..
سوزوم یوخ جان گرک اولسون فدا آیین جانانه
بو یالقیزلیخ ولی قلب جهانی دوندریب قانه
ایاق ساخلا شتاب ائتمه بئله تک گئتمه میدانه
سنیله گئتماقا امر ایله عباس جوان گلسون
..
..
..
..
..
سن اول سلطان عالمسن کی یوخدی بیر نفر یارون
سنیبدور لشکرین یکسر یاتیب قولسوز علمدارون
گورندن بو غم جانکاهی سویلور غملی غمخوارون
گرک بو غمده شیون گئتمه میش دلدن فغان گلسون
..
..
..
..
..
گواه محنت هجراندی آغلار گوز آغارمیش باش
دلیم سویلور گئت اما گئتمیه قلبیم دئیور ای کاش
نجه آیریلسین آخر گوزلریندن گوزلریم قارداش
گرک هجرونده گوزلردن فغان ائدوقجا قان گلسون
..
..
..
..
..
ئولر چوخ جنگیده شاهین سوزوم یوخ یار و اعوانی
بو نوعی کیم گوروب یالقیز ولی عالمده سلطانی
کمکسیز جانیوه قربان کمکسیز زینبون جانی
چتین غم چکماقا بیرده جهانه بیله جان گلسون
..
..
..
..
..
بو صحرای مصیبتده بو قوم معصیت پیشه
عجب نخل وصاله ووردی دست ظلمیله تیشه
سن آتدوقجا قدم قیزلار دوشور باخ گور نه تشویشه
دئیر بعضی بابا گئتمه دالینجا قوی بالان گلسون
..
..
..
..
..
بو نازلی قیز کی گفتاری سنون تک شکّر افشاندور
دوشوب دلدن دانشمیر باغری باغریم تک حسین قاندور
آل آغوشه نوازش قیل اگر چه وقت هجراندور
دانشدیر بلکه نطقه بیرده بو شیرین زبان گلسون
..
..
..
..
..
نه هجراندور بو هجرانون کی سالمیش قلبیمه غوغا
بو غوغادن پریشاندور منیم تک صحنهٔ دنیا
سنی بیله گورندن یادیما دوشموش آنام زهرا
یئری وار بو یئره ایمدی او خاتون جنان گلسون
..
..
..
..
..
خدا عالمدی بو محنت نجه آلموش توان مندن
حسینیم هئچ اینانمازدیم کی بیر گون آیریلام سندن
گوروم آیریلماسین محنت جهان تا وار بو دشمندن
ئولونجه ناله و افغانه غمدن کوفیان گلسون
..
..
..
..
..
بو اللر کی من رنجور اولدی مایه تسکین
چوخ اللردن دوتوب قدرین بولر بو اللرین مسکین
ولی قورخوم بودور کی ائتماقا بو اللری رنگین
الینده تیغ برّآن قتلگاهه ساربان گلسون
..
..
..
..
..
بهارین گلمسه فصلی گلستان عطریله دولماز
هواسی همدم گلشن اولونجا بیرجه گل سولماز
خزان گر گلمسه هرگز بهارین قدری فاش اولماز
بهاریم گئت کی فاش اولماقلیقا قدرین خزان گلسون
..
..
..
..
..
خانم گلموش نه مدتدور دله دلپاک محنتدن
گلوب ایجاده بو محنت مسلم امر حاجتدن
قسم وئرم سنی قارداشیوه دل آچ کرامتدن
اوزون ایله دعا تا مهدی صاحب زمان گلسون