زبدةالاشعار

دوشنوب حسین قوم اوسته نفسی دوشوب صدادن #حسینیه_مصیبی_تبریزی

«نوحه قتلگاه روزعاشورا»
و ذکر توسل برای دفع بلا
.
✍️ #زبدةالاشعار ✍️
🆔: @nohe_torki
.
#سبک_سو_یوخومدی_قزلاروندان … 5 سبک
.
مصیبی تبریزی
.
دوشنوب حسین قوم اوسته نفسی دوشوب صدادن
نئجه گور امیر عشقین کسیلور باشی قفادن
.
.
بدنینده چوخدی یاره ئورگی یانور عطشدن
دوشوب ایستی قوملار اوسته یورولوبدی کشمکشدن
گونون ایستی سینده یارب؛یئره اود یاغور گونش دن
باخور انبیا بو حاله مَلشیلله نُه سمادن
.
.
نه گناهی وارحسینون کی اولور وجودی شان شان
بیری نیت ایلیوبدور وورا اوخ ئورک باشیندان
بیری داش آتور اوزاقدان بیری داش وُرور یاخیندان
باشا باش وجودی اوخدی یاراسی گئچوب یارادن
.
.
گوزی قانلی شمرظالم دایانوبدی بیرطرفده
قانینا پیمبراوغلی بویانوبدی بیرطرفده
حرمی حرمسراسی تالانوبدی بیرطرفده
اسوری بلالی یئللر گویه غم چیخور منادن
.
.
بیری غارته گلوبدی ولی ذکر حق دیلینده
بیری مرکبین هوسلور گوزی وار حسین ائلینده
بیری کهنه کوینگینده ، بیری وار گوزی الینده
نه حیا ائدور نبی دن اوتانور نه مرتضادن
.
.
بیری خنجرین چکوبدور سالا شه باشین بلایه
بیری نیزه سین گتورمیش او باشی وورا جدایه
باجی خیمه دن چیخوبدور گله قان دولان منایه
دوشوب آه و وای زینب او چوله حرمسرادن
.
.
اسوری بلالی یئللر بو جفایه گویلرآغلور
باخور انبیاحسینه باش آچوب ملکلرآغلور
حرم اهلی شیون ایلور بئله حاله لشکرآغلور
یتیشور بو غم نواسی گویه خاک نینوادن
.
.
نجه کربلادی یارب قالانوبدی داش داش اوسته
نجه بیر بلالی چولدور داش آتوللا بیر باش اوسته
نئجه قانلی بیر منا دی دوزولوبدی باش باش اوسته
مَلَشیر سپاه قرآن بو سپاه اشقیادن
.
.
#توسل محضرآقاابی عبدالله
.
.
ائله بیر زماندی یارب یئر اوزونده چوخ بلا وار
ائله بیربلا دی چوخلی؛ او بلایه مبتلا وار
ولی شیعه لر بیلوللر نجه درد اولا دوا وار
ائله بیر دوا کی دردلر تاپا مرهم اول دوادن
.
.
بودی چاره؛صدق و ایمان دوتا کلّ عالمینی
قورولا عزا حسینه دوشه قلبه شور و شینی
گوزی یاشلی عاشقانه ؛هامی سسلیَه حسینی
نجه گور دوا بو درده گلر اول زمان خدادن
.
.
بونه عشقیدور«مُصَیّـب»بئله عشقه قیمت اولماز
آقاوین الین کسوبلر بئله هتک حرمت اولماز
((مگر اللرین کسنده کسن هیچ خجالت اولماز))
ئورگین دونوبدی قانه بو اسفلی ماجرادن
.
.
#حسینیه_مصیبی_تبریزی
#حسینیه_شهادت
#دوشنوب_حسین_قوم_اوسته_نفسی_دوشوب_صدادن
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  عنوان کنم کلام بنام تو یاعلی #حیدریه

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی