گلوب شامیدن آل رسالت آنام اوغلی #اربعین_تابع_تبریزی

اربعین
..
..
..
#سبک_علی_جان_بالا_لبیک
..
..
..
مرحوم تابع تبریزی
..
..
..
..
گلوب شامیدن آل رسالت آنام اوغلی
ایده چکدیقی ظامون حکایت آنام اوغلی
..
..
..
..
بو ششگوشه مزارون ایدوب زینبی حیران
گلور عطر شریفون گوزل عطریوه قربان
چکور عطریوه حسرت حسین روضه رضوان
بهشته اولا بولمز بو نکهت آتام اوغلی
..
..
..
..
حسین شکر خدایه مرامیم اله گلدی
بو قبر اوستونه بیرده گیدن قافله گلدی
ایده زینب نالان سنه چوخ گله گلدی
گتوردوم هامی اهلون سلامت آنام اوغلی
..
..
..
..
حسین سینه وین اوسته یاتان اصغره قربان
امید دل لیلا على اکبره قربان
بو پژمرده عیالون شه بی سره قربان
منی ایلمه آرتوخ ملامت آنام اوغلی
..
..
..
..
سزادی گله زینب حسین ناله و زاره
جواروندا یاتوبدور نچه ماه و ستاره
ابوالفضل مزاری ندن دوشدی کناره
اوزاقدا قالوب اول سرو قامت آنام اوغلی
..
..
..
..
بو باش داشی جهانه ایدیر حالوی اعلان
بئله باش داشی اولماز بو باش داشوه قربان
یازوبلار که حسینین کسوبلر باشین عطشان
سو ویرموبدیله اهل عداوت آنام اوغلی
..
..
..
..
ویروب غسلوی کیملر سنه کیم کفن ایتدی
قویان جسموی قبره کفن بس ندن ایتدی
یازان باش داشون اما جهانه علن ایتدی
ایدوب نحرینی منحور جماعت آنام اوغلی
..
..
..
..
او گونکه سنی قارداش شهید ایلدی دشمن
دل زاریمی هر بیر غمه رام ایلدیم من
نه چکدیم من حسینیم اؤزون یاخشی بلورسن
بیزه ایلدی دشمن جسارت آنام اوغلی
..
..
..
..
ویروب اود آنام اوغلى قشون اهلی خیامه
یانان یاندی قالانلار اسیر اولدی ظلامه
بیزی جوریله دشن چکوبدور سوی شامه
ازل کو فه ده ایتدون اقامت آنام اوغلی
..
..
..
..
اولوب کوفه ده منزل ازلده بیزه زندان
نه زندان که عیالون ایدوب صبحه تک افغان
بالا قیزلارا اولدوم او محبسده نگهبان
منه ایتمدی کیمسه حمایت آنام اوغلی
..
..
..
..
یته زادۀ مرجان او گون دلده مرامه
بیزی جبریله چکدی حسین مجلس عامه
دل زاریمی دلدی گلن وقته کلامه
ایدوب زینبه چوخلی شمادت آنام اوغلی
..
..
..
..
او مجلسده او ظالم ویروب چوخ منه ایذا
أولار یاندی دانشدی او دم زینب کبرا
ایله منطق زینب ایدوبدور اونی رسوا
اسیرینده گوروبدور شهامت آنام اوغلی
..
..
..
..
واریمدور سنه چوخلی شکایت بو سفردن
عیان اولدى گوزومده قیامت بو سفردن
منی ایتدی خجالت رقیّن بو سفردن
ویروب قلبیمه تیر جراحت آنام اوغلی
..
..
..
..
حسین زلفوم آغاردی قدیم دوندی کمانه
خدنگ غمه اولدوم بو یولّاردا نشانه
رقیّه بالان ئولدی گتوردی منی جانه
منی ایلدی سندن خجالت آنام اوغلی
..
..
..
..
حسین تیر مصیبت دل زاریمی دلدى
دو پیشواز ایله قارداش گیدن قافله گلدی
طبیبه دییه دردین مریضی نه گوزلدی
یو بیماره دور ایله طبابت آنام اوغلی
..
..
..
..
حسین «تابع دینی» چکور چوخلی مشقت
آتور دنیویلر چوخ اونا تیر شمادت
بو دنیاسینه عزّت هم عقبایه جلالت
عنایتله اؤزون قیل کرامت انام اوغلی
..
..
..
..
#اربعین #تابع_تبریزی #ترکی #زبدةالاشعار