زبدةالاشعار

واریمدی سینه ده درد و غم نهان ئولورم

یا مهدی
.
✍️ زبدة الاشعار ✍️
.
🆔: @nohe_torki
.
خورشید بانو ناتوان
.
واریمدی سینه ده درد و غم نهان ئولورم
فدا اولوم سنه گل ائیله امتحان ئولورم
.
فراغیدان گئجه لر یاتمارام صباحه کیمی
خیال زلفونه باغلی گئدیبدی جان ئولورم
.
بهار حسنون آرا گؤر نئجه خزانم من
بهار لاله سی تک باغریم اولدی قان ئولورم
.
ورق ورق دل و جان هجرین ایچره اودلاشدی
مثال کنجفه صد پاره اولدی جان ئولورم
.
او خاک پایینی من آشیان ائتمیشدیم
وطندن آیری دوشوب ایندی لامکان ئولورم
.
دئدین چک اللرینی دامنیمدن ال چکدیم
ترحم ائیله مه دین آخِر ای جوان ئولورم
.
چکردیم حسرتینی گؤرمه دیم خداحافظ
نظاره ائیلمه دین آه الامان ئولورم
.
فدا او قامتینه کیم قضا نه خوش چکمیش
قدر بوکوب بئلیمی ائیلیب کمان ئولورم
.
فراقدان توکنیب تاب و طاقتیم بالله
وصاله یئتمز الیم زار و ناتوان ئولورم
.
.
.
#مهدیه
#واریمدی_سینه_ده_درد_و_غم_نهان_ئولورم
#خورشیدبانوناتوان
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  تا آه سینه سوزی ، از قلب من برآید #جوادیه_سازگار

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی