رباب آغلار حسینه
..
..
..
الیاس ملک پور
..
..
..
گول اولدوقجا گلاب آغلار حسینه
توکر هی اشک ناب آغلار حسینه
..
بخار اولدوقجا قطره قطره هر دم
اولار گوز گوز حباب آغلار حسینه
..
دوتاندا تشنه سقّا سو سوراقین
دولاندا مشکه آب آغلار حسینه
..
یئر آغلار گوی سیزیلدار سوز غمنن
توکر گوز یاش سحاب آغلار حسینه
..
علیّ اصغرین ائیلر بهانه
سو گوردوقجا رباب آغلار حسینه
..
چالار ظاهرده لایلای شیر خواره
اولار بی صبر و تاب آغلار حسینه
..
آناسی فاطمه نوحه دینده
آتاسی بو تراب آغلار حسینه
..
گزر اطراف گودالی پیمبر
یانار ختم مآب آغلار حسینه
..
حسین قرآنه خاطر اولدی قربان
اودور اُمّ الکتاب آغلار حسینه
..
گئجه آی اوخشادیقجا اولدوز آغلار
گونوزلر آفتاب آغلارحسینه
..
محرمده چکنده عرشه قاره
ملکلر بی حساب آغلار حسینه
..
دوتاندا شیعلر شام غریبان
آخار گویده شهاب آغلار حسینه
..
حسینه نوحه یازدیقجا ( ملک پور)
اولار قلبی کباب آغلار حسینه
..
(حسینه یئرلر آغلار گویلر آغلار)
(رسول مصطفی پیغمبر آغلار)
حسینه داغلار آغلار داشلار آغلار
قاناد چالدیقجا گویده قوشلار آغلار
.
ائدنده نیزده قرآنی تفسیر
جدایه نصب اولونموش باشلارآغلار
..
..
..
#ورود_محرم #ملک_پور #حسینیه_ملک_پور #حسینیه #حسینیه_شهادت #ترکی #زبدةالاشعار
نظر دهید