زبدةالاشعار

رضای حقه هر بشر باش اگسه دوز یولا گیدور #پندیات_هدایت_تبریزی

پندیات
گریز به شهادت حضرت اباعبدالله الحسین علیه السلام
.
.
محمد هدایتی تبریزی
.
رضای حقه هر بشر باش اگسه دوز یولا گیدور
قبول دعوت ایلیوب اولوب حقه رضا گیدور
.
مواظب اولماق ایستیور دله ، قولاقه ، گوزلره
و گر نه حسن زحمتون فنا اولور هوا گیدور
.
یولوندا رهنمالیق آل همیشه دوز بلدچی دن
بلدچی اولمویان یولون ایترسه کج یولا گیدور
.
خدانی ذکر ایله دلین فداسی دل صفا تاپا
خدانی ذکر ایله یقین ئورکدن ابتلا گیدور
.
جهانه تکیه ایلمه فنا اولاندی بو جهان
خزان گلنده گلشنی صولوب باغی فنا گیدور
.
گلون فراقی بلبلون ئورکده دردین آرترار
صولاندا گلستاندا گل هزار ایدور نوا گیدور
.
شیفته اولما بو جهان شیفته سین دولاندیرار
شیفتهء جهانه چوخ غم ئوز ویرر بلا گیدور
.
مواظب اول شرافتین فدا اولار ذلالته
بش اون گون استراحته مقام اعتلا گیدور
.
سنه قالان عمل اولور سرای تار قبریده
قبالهء جهان اگر سنون اولا آقا گیدور
.
حقوق خلقی پایمال ایدنلرین جزاسی وار
قیامتین حسابنه قضاوت خدا گیدور
.
خیاله سال او ساعتی قویالا تحت قبریده
ایوینده استراحته تمام آشنا گیدور
.
گور اوردا کیمدی یاد ایدن سنی چتین زمانیده
خیال ایله امیدوی گور اوندا بس هارا گیدور
.
شفاعت حسینه وار امید تحت قبرده
ئولنده شیعه دیدینه شهید کربلا گیدور
.
ولی حسین ئولن زمان گلوبدی باشی اوسته کیم
وجود نازنینینه گلن وروب یارا گیدور
.
دینده سجدگاهنه جفا داشی آخوب قانی
چکوبدی پرده گوزلره قانی آخا آخا گیدور
.
کنار ایدوبدی کوینگین سیله گوزونده آلقانی
گوره گلور نه سمتدن نه سمته اشقیا گیدور
.
کنار اولاندا کوینگی گوروندی بتنی حضرتین
گوروبدی حرمله گمان سه شعبه بیر اوخا گیدور
.
سه شعبه تیری قویدی تئز کمانه یابن العسکری
فراز عرش اعظمه بو ظلمدن صدا گیدور
.
امامون ایلدی هدف اوخا یارالی قلبنی
او قلب کی بالا داغی چکوب عدو اونا گیدور
.
گلوب او تیر سهمگین اوتوردی عشق اطاقینه
نه عشق اطاقی تیر کین اونی یارا یارا گیدور
.
قاباخدان اوخ دیوب یاروب کورکدن آخدی قان یره
نه وار چارا بو یاریه نه مرحم و دوا گیدور
.
.
.
#پندیات
#حسینیه_شهادت #حسینیه
#هدایت_تبریزی
#رضای_حقه_هر_بشر_باش_اگسه_دوز_یولا_گیدور
.
.

متن پیشنهادی:  قسم به روز که آئینه مقتدای من است #حسینیه_عاصم_اردبیلی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی