اسقبال از ماه محرم و گریز به حضرت ابوالفضل(ع)
..
..
..
..
محمد حیدری امندی
..
..
..
..
گئچدی گونلر،هفته لر،آیلار،گلیب غم گونلری
قاره گیدی شيعه لر باشلاندی ماتم گونلری
باشلیون غم روضه سین گلدی محرم گونلری
قوزانیبدی فرشیدن عرشه عزا بایداخلاری
گورسنور هيئتلر ایچره اصغرین قونداخلاری
..
..
..
..
هرمحرم شيعه لر اربابه بزم غم قورار
جامه ی ماتم گییر،نوحه دییر،سینه ورار
آذری لر تشنه لب شاهه یانیقلی اوخشویار
یانه یانه یاش توکر ای وای حسینیم وای دییر
یاره لی عطشان ئولن اربابینه لایلای دییر
..
..
..
..
هر محرمده حسینچیلر سالار باشه قرا
سو توکوب طشته ائده للر رسماً اعلان عزا
هاممی رخساره توکر اشکین به یاد کربلا
یا حسین عشقونده گور نه بحر محنت داشلانور
حقی وار ،چون تشنه اربابین عزاسی باشلانور
..
..
..
..
سن کیمی عالمده تشنه جان وئرن اولماز حسین
حقّه خاطر وار یوخون احسان وئرن اولماز حسین
آلتی آیلیق بیر قوزی قوربان وئرن اولماز حسین
حقّی وار مهدی بالان احوالیوه قان آغلیا
اوخشویا جنتده زهرا،شاه مردان آغلیا
..
..
..
..
بیلمیرم احوال غمبارِ محرمده نه وار
چاره سیزلر بو آیا چوخلی چکللَر انتظار
نیلَسونلر چوخلاری یورقوندی دیلده دردی وار
دردمند اهلی گلر یاسه محرم گونلری
نذر ایدللر قولسوزعباسه محرم گونلری
..
..
..
..
روز عاشورا فلک پوزدی حسین پرگارینی
هدیه وئردی حق یولوندا با وفا انصارینی
لشگرعبّاسین ییخاندا سسلدی دلدارینی
هارداسان قارداش،گرفتار اولدوم اهریمنلره
صف چکیبلر،داش ووروللار بیریارالی پیکره
..
..
..
..
قارداشا اولسا یامان گون قارداشین سسلر دادا
ایندی عباسه یامان گوندی ئوزون گل امدادا
یول چکیر سن گلمگه ،بو گوزلره قان دولسادا
دوشمنیم نامردیدی عباسیوی دیلدن سالیب
رحمسیز نامرد الینده قارداشین یالقوز قالیب
..
..
..
..
گورمَمیشدیم یاره لَنسه لشگرون سرلشگرین
الده نیزه،خنجریله، خصم آلار دورو برین
قوللارین تندن سالاللار داشلیاللار پیکرین
تابدندن جان چیخینجا چوخ وورالّار یاحسین
باشینه ضربت، گوزوندن اوخ وورالار یا حسین
..
..
..
..
#ورود_محرم #محمدحیدری #ترکی #زبدةالاشعار #عباسیه #عباسیه_شهادت #عباسیه_محمدحیدری
عااااااااااالی
سلام و درود
سپاس از حضورتان