حالات راه شام
..
..
..
..
..
مرحوم معزی اردبیلی
..
..
..
..
..
یان ای یانان اورگیم صاحب الزّمان پوزولوب
مین ئیل ستمگر الیندن چکوب امان پوزولوب
..
اجازه یوخدور هله ذوالفقارینی چکسون
تیکوب گوزون یولونا جمع دوستان پوزولوب
..
یتیشمور اللریمز آلتی گوشه لی قبره
همان زمینه ده هم پیر و هم جوان پوزولوب
..
فقط امام زماندور حسینه زائر اولار
گورر کنار مزارینده قدسیان پوزولوب
..
بیان ایدر بابا مندن سنه سلام اولسون
گوزوم یاشیندا جناندان گوزل مکان پوزولوب
..
طواف ایدر آقا جدّ کبارینون قبرین
گورر گوگل قوشی سیرینده ناگهان پوزولوب
..
دییر دمشقه گیدوم عمّه مین زیارتینه
حسین غمینده اولوب قامتی کمان پوزولوب
..
دوشنده گوزلری شامون یولوندا صحرایه
بو چولده نطقه گلر بیر شیرین زبان پوزولوب
..
باتوبدی گون چخوب آی قورخودان قاچوب رنگی
اسفلی حالتینه ماه آسمان پوزولوب
..
سوزه توجّه ایله آغلا اَیُّها الحُضّار
دیوم رقیّه همان دشتیده هاچان پوزولوب
..
گوروبدی قافله دن یوخ خبر ئوزون ایتیروب
گلوب صدایه بیله زنگ کاروان پوزولوب
..
بلالی چولده عجب سالدیلار منی گوزدن
آدامسیزام یوزوم ای خالق جهان پوزولوب
..
دیدی بابا سنه ایستکلی نازدانه ئیدیم
دیمورسن هیچ گهر فاطمه نشان پوزولوب
..
دیدی دونوم باشووا عمّه عمّه دوت آدیمی
او بلبلم گزورم چولده گلستان پوزولوب
..
دیدی اولوم هامی قولدان اوجا قولا قربان
عمو کبوتر زیبای آشیان پوزولوب
..
رقیّه قورخولی صحراده قالدی سرگردان
عذارینه ایلیوب اشکینی روان پوزولوب
..
بهشتون عطرین آلوب ناگهان گیجه یاریسی
هرایینه یتیشوب مفخر زنان پوزولوب
..
گوروب کناریده بیر باصفا خانم دایانوب
گهی اورک دوئولوب گه او ناگران پوزولوب
..
بیوک ننه آلوب آغوشینه گوزل نوه سین
باخوب جمالینه پهلولری سنان پوزولوب
..
رقیّه فاطمیه عرض ایدوب خانم کیمسن؟
یوزون یوزوم کیمی ای زار و ناتوان پوزولوب
..
جوانلوقوندا باشون روزگاریده آغاروب
جهاندا سن کیمی گور هانسی مهربان پوزولوب
..
جمال زینبه بنذر جمال پُر مُحَنون
اولوبدی پنجۀ محنتده باغریقان پوزولوب
..
بیان ایله آدیووی قوی سنی خانم تانیوم
رقیّه ام منیم حالیمده کهکشان پوزولوب
..
بویوردی فاطمه ای سنّی آز مصیبتی چوخ
سوسوز بالام ئولوب اللرده خانمان پوزولوب
..
آدیمدی فاطمه قورخما قیزیم بیوک ننووم
دوزنمدیم گورم افکاریووی یامان پوزولوب
..
یوزوم یوزون کیمی سیلی گوروب بیله گوگروب
سسی بهشته دوشن وقتیده جنان پوزولوب
..
الیندن ئوپدی رقیّه دیدی ایوون آباد
سوزومده آری سخن سنج و نکته دان پوزولوب
..
یورولموشام منی سینونده ساخلا قویما یره
بو پیکریم کیمی روحیمده هم چنان پوزولوب
..
یریه بیلسم اگر ویرمرم سنه زحمت
باتاندا چولده ایاقلاریمه تیکان پوزولوب
..
رقیّه دردینی اظهار ایدوبدی زهرایه
نچه سؤال ایلیوب فخر بانوان پوزولوب
..
دیدی آنا دی گوروم عمّه مون حالی نجه دی؟
دیدی غمونده فراقه اولوب نشان پوزولوب
..
دیدی سنوب اورگیم چوخلی زینب عمّمدن
دیدی گلایه یری یوخدی عمّه جان پوزولوب
..
دیدی بابام آنا زهرا نیه دویوب مندن
دیدی گلی سارالوب چولده باغبان پوزولوب
..
دیدی یویوبلا دوداقلارینین کولون یا یوخ؟
دیدی قالور هله رخسارینه باخان پوزولوب
..
دیدی کیمی یوواجاق بس یوزونده قانلی کولی
دیدی مسیحی یووار خسته میهمان پوزولوب
..
«معزّی» شعری یازوب گوز یاشین توکوب یوزونه
مطالعه ایدوب اوّلده نوحه خوان پوزولوب
..
..
یان ای یانان اورگیم صاحب الزمان پوزولوب #راه_شام_معزی_اردبیلی
نظر دهید