جوشه گلن قان
.
.
حاج محمود رشیدی
.
.
عشقیدن جوشه گلن قاندور دییَر یافاطمه
عاقل و فرزانه انساندور دییَر یافاطمه
.
.
ذاتی پاکیزه مسلماندور دییَر یافاطمه
صاحب تقوا و ایماندور دییَر یافاطمه
بنده ی ممتاز سبحاندور دییَر یافاطمه
متّقی انساندا وجداندور دییَر یافاطمه
کم دگول عاشق فراواندور دییَر یافاطمه
سائل و قدرتلی سلطاندور دییَر یافاطمه
جاهینه هرکیمسه حیراندور دییَر یافاطمه
رتبه و شأنینده قرآندور دییَر یافاطمه
عشقیدن جوشه گلن قاندور دییَر یافاطمه
.
.
.
فاطمه دنیا و عقباده دُرِ دُردانه دی
باغ عشق ومعرفتده عِطرلی ریحانه دی
زینت خلقتدی،الحق که خانم بیردانه دی
دلبرِ عالمدی ، عالم عاشق مستانه دی
فی المثل بیرشمعدور جانلاراوناپروانه دی
گل آدین ذکر ایلیَن اهل دل و فرزانه دی
ایتمه ایرادعرض ایدوم هرکس اونابیگانه دی
ملک مغزی ، فاقد اِدراکیدور ویرانه دی
حقّی اولماز بیر بیله یِرده یری میخانه دی
بوردا محرمدورکه مهماندور دییَر یافاطمه
.
.
.
بیرخانمدورعالم امکان اونون مدیونیدی
باعث ایجاد خلقتدور فَلَق مرهونیدی
مالک نهر فرات و نیلیدی سیحونیدی
عرض قیلدیم من اوچون دوردومجیسی جیحونیدی
بیر بیله شأن و جلالتله ولی محزونیدی
کوکب اسپهر عفّت ، شاکی از گردونیدی
خاتمون دُردانه سیدی ظلمیدن دلخونیدی
صول یوزی بنذردی یاسه ساق یوزی گلگونیدی
علّتین آلسون خبر سیلی وِران ملعونیدی
ثانی ظلمیندن اورک قاندور دییَر یافاطمه
.
.
.
بیرخانمدورعزّتی پنهان دگول منظرده دی
حقّ ئوزی تعریفین ایتمیش سوره کوثرده دی
عالمی دلبر دوتا ، گوزلر بو بیر دلبرده دی
تاقیامت گل آدی علّت اودور دلّرده دی
گرگوزون طوی کوینگین بذل ایلیَن الّرده دی
دردیوین درمانی گل دلبند پیغمبرده دی
ایستورم بیرسوزدیَم عفوایلیون بی پرده دی
مرتضا ناموسی بیرحالتده پشت درده دی
قان ویرورگل سینه سی پهلوسی سینمش یِرده دی
عاشقی ، دلبر که بیجاندور دییَر یافاطمه
.
.
.
گردش چرخ فلکدن کیم گرک ایتسون گِله
ئوزایوینده عترت طاهانی سالمش مشگله
معالم امکانه دوشمش ظلم الیله ولوله
ایسته سن بیرمختصرمعیارغم گلسون اله
سسله زهرا،خونِ دل گوزیاشه قات گوزدن اله
بیرسؤالیم واردی بعضی سوزلریم قالسون هله
اوخ کیمی مسمارِ دَر،گل سینه نی آیا دَله
بیرایله یاره قویار بیرغملی مادر دینجله؟
وار یِری الّر باشیندا حضرت طاها گله
تا گوره سبطینی نالاندور دییَر یافاطمه
.
.
.
هرکسین ئوز دودمانینده اولار امنیّتی
قویدی امت زیرِ پاده غیرت و حیثیّتی
غرق لعنت ایلسون الله ایله پست امّتی
چکدولر قلبِ جهانه داغِ ظلم و مِحنتی
ئوزایوینده دوگدولر زهرای کنز عصمتی
غرق اولوب دریای غمده مصطفانون عترتی
حقلیدور قان آغلیور دنیاده زهرا ملّتی
گر علی مدّ نظرده ساخلاسا بو خدمتی
یوخ لزومی دلّره دوشسون “رشیدی”شهرتی
دفتر و اشعار و دیواندور دییَر یافاطمه
.
.
#فاطمیه #فاطمیه_شهادت #محمود_رشیدی #ترکی
نظر دهید