زبانحال رباب (س) در شب عاشورا
..
..
..
..
مرحوم انور اردبیلی
..
..
..
..
یارب بیر ایچیم اولسا سو عطشان بالام ئولمز
قلبینده سونر آتش سوزان بالام ئولمز
..
..
..
..
بو طفلکی یا ربّی نه زیبا یارادوسان
قاشلاری کمان گوزلری شهلا یارادوبسان
گویا منه مریم کیمی عیسا یارادوبسان
گر اولسا عطش مشکلی آسان بالام ئولمز
..
..
..
..
خوان کرموندن منیچون پایدی بو اوغلان
مین عالمه ویرسم تئلنى ویرمیشم ارزان
گر صاق گوزومه ویرسه سو بو لشکر عدوان
ویرّم گوزی آلّام سوئی الان بالام ئولمز
..
..
..
..
گول تک سارالوب رنگی چکیلمش یاناقندان
چون غنچه شکر خنده سی گئتمش دوداقندان
یوح دردینه چاره یورولوب آغلاماقندان
چاره ایده نی اولسا ویروب جان بالام ئولمز
..
..
..
..
هر غنچه گولر فایده گر گورسه یازیندان
گل پروری گلشنده ایدر شاد نازیندان
بو غنچه کانّه نگراندور بوغازیندان
تأمینی اگر اولسا تکاندان بالام ئولمز
..
..
..
..
اون یدّی گونیدی گوزین آچمشدی جهاندا
گوردی اوزینی دایرۀ جبر زماندا
چوللرده بونی بسله میشم امن و اماندا
سو گلسه اله بو اورگی قان بالام گولمز
..
..
..
..
بسکه گولومون تر سوزولوبدور بدنیندن
احساس گلاب ایلیورم پیرهنیندن
شعله اوجالور هر نفسینده دهنیندن
قیلسا بیری بیر شربه سو احسان بالام ئولمز
..
..
..
..
ایستی بوریوب شدّتیله خیمه سرانی
لب تشنه تنفس نجه ایتسون بو هوانی
آهولره ارزان ایدن ای آب روانی
نهرین یولونی آچسالا جیران بالام ئولمز
..
..
..
..
ماهی کیمی سو ایستور آچور تشنه دهانین
تزتز دوداقی اوسته قویور تشنه زبانین
دیل یوخدی اشاریله دیور سوز نهانین
سونسه اودی قلبیندہ پریشان بالام ئولمز
..
..
..
..
خیاط قدر اوغلوما غم رختی بیچوبدی
یوخدور رمقی نه صود اموب نه سو ایچوبدی
گوزلر آخنوبدور باری جانداندا کچوبدی
تاپسام گینه ده دردینه درمان بالام تولمز
..
..
..
..
آجدور یاتا بیلمور سسی خیمه مده سالوب های
یوخدی ثمری هی دیورم آغلاما لای لای
تکرار ایدورم بو سوزی شرمنده جانیم وای
دوشلرده صودوم اولسا آجندان بالام گولمز
..
..
..
..
#اصغریه #انور_اردبیلی #اصغریه_شهادت #ترکی #زبدةالاشعار #شب_عاشورا
نظر دهید