کوفه
.
🆔: @nohe_torki
.
#سبک_احوالیمیز_یاماندی …. 10 سبک … قان یاغدی کربلاده … ای دست دلرباسی … اود یاپوشدی سینمه … از ما خطا یا الله …
.
حاج اصغر فرشچی (عدلی تبریزی)
.
ویردی صفا بو قلبه
قرآن صداسی قارداش
بیرده اوخی او لحنون
زینب فداسی قارداش
.
ایوای یارالی قارداش …
.
.
باشون جداده قارداش عزم ایلیوبدی شامه
دوندردی کوفه اهلی روشن گونومی شامه
بیربیله ظلم ایدوللر یتمور نیه تمامه
اول مونسیم بوچولده الله رضاسی قارداش
.
.
ای یوسف مدینه قرآن تلاوت ایله
منله دانش برادر مهرو محبت ایله
کیم قویدی کو للراوسته باشون حکایت ایله
سنده صورا کیمون وارکربوبلاسی قارداش
.
.
یانّام گورنده قارداش بوداش آتان جماعت
آد خارجی قویوبلار ایلور هامی شماتت
نامه یازان شقی لرهیچ چکموری خجالت
بو شهریده چوخ آز وار اولسون حیاسی قارداش
.
.
گتمه کناره قارداش بوردا دایان بیرآز قال
کهف آیه سین دوباره باشلا بوگویلومی آل
ماه منیرزینب ایتمه خسوف ایشق سال
سنلندی کاروانون نور و ضیاسی قارداش
.
.
بو داش آتان جماعت مندن توان آلو للار
بیر عدّه سی شماتت بیرعدّه کف چالوللار
حیدرآتام یاراسین بوردا یادا سالوللار
اولدی آتام سنون تک دینون فداسی قارداش
.
.
عرشه چخان بوباشون کامه چاتوبدی قارداش
دین اوسته ماسوانی گوزدن آتوبدی قارداش
مطبخ سراده کوللر اوسته یاتوبدی قارداش
بو باشوون نقدری وار ماجراسی قارداش
.
.
گوردون دولوبدی قلبیم آلامه بس یارالی
بوکوفه ایچره اولدون سن هم نفس یارالی
قرآن صداسی اولدی فریاد رس یارالی
وار دور تلاوتینده دردیم دواسی قارداش
.
.
اولدون بو دینه قربان دین اهلی اولسون آگاه
لازمدی هر مسلمان اولسون همیشه دین خواه
دینه خیانت اللر اولسون گرکدی کوتاه
خائین الی اولوبدی دینون بلاسی قارداش
.
.
یاززینبون دیلینجه (عدلی) بو نوحه اولسون
بوکاروان ایچینده بیر گل ندندی سولسون
سوایستین زماندا قونداقی قانه دولسون
باشین گورور بالانون آغلور آناسی قارداش
.
.
اصغرباشین نی اوسته گورجاق دیوری ایوای
گل سینمه صودوم وارگلمور بالا دیوروای
فرض ایلوری قوجاقدا سسلور بالامدی لایلای
آخرسوسوزویروب جان نازلی بالاسی قارداش
.
.
.
#کوفه
#ویردی_صفا_بو_قلبه_قرآن_صداسی_قارداش
#عدلی_تبریزی
#ترکی
.
✍️ #زبدةالاشعار ✍️
.
🆔: @nohe_torki
نظر دهید