زبدةالاشعار

یوزون ارغوان گلی تک سولوب بو نه داستاندی رقیه جان #حضرت_رقیه #فانی_تبریزی

حضرت رقیه (س)
زبانحال حضرت زینب (س)
.
✍️ زبدة الاشعار ✍️
.
?: @nohe_torki
.
فانی تبریزی
.
یوزون ارغوان گلی تک سولوب
بو نه داستاندی رقیه جان
بولوسن جمال مهون منه
گل و گلستاندی رقیه جان
.
.
گوره گر بو حالت زاریله
سنی دیدۀ مه و آفتاب
توکر اشگ تر یوزه دم به دم
یانار ای قرار دل رباب
اولا کاش کون و مکان بو گون
دل بیقرار یمه تک خراب
نیه هر نفس ایشون ای گلوم
غمله فغاندی رقیه جان
.
.
بو خرابه طی طریقده
سنه خانقاه حضور دور
بو خرابه راه وصالده
سنه شاهراه عبور دور
بو خرابه قلّۀ عشقده
سنه جلوه گاه ظهور دور
بلی مست جام محبّته
بورا چون جناندی رقیه جان
.
.
اولا گر بو راه وصالده
او گؤزل ایاقلارون آبله
داغلوب گیده ره عشقده
فر و شوکتون ایلمه گله
بونی بول کی یاره یتیشماقین
یولی چوخدی مرحله مرحله
بو بلالر اهل محبّته
ره امتحاندی رقیه جان
.
.
بو خرابده گیجه لر ایشون
اولی ناله تا دم صبحگاه
ائلیوب سنون نفسون منه
بو مکانی مسجد و خانقاه
نه صفالی یردی عبادته
سوله یاحسین سوله یا الاه
که بو ذکرلر هامی عاشقین
دلنه رواندی رقیه جان
.
نه سنون گوزونده قالوب یوخی
نه قالوبدی منده توان و تاب
گیجه گوندوز آه و فغانیله
سالوسان بو عالمه انقلاب
سارالوب یوزون غم و غصّه دن
یورولوبسان ای دل بوتراب
سوله نیلییم، بولوسن آنان
سنه مهرباندی رقیه جان
.
.
بو خرابه گوشه سی اولدی تا
سنِ نازنینه مکان بالا
دئدیم ایله سن غم و دردیوی
منِ بی نوایه بیان بالا
ندن ایلدون بو قدر غمی
منِ دل غمینه نهان بالا
منه ایندی کشف و عیان اولور
بونه داستاندی رقیه جان
.
.
سنی اوچ گون اوچ گیجه ایلیوب
غم آیریلوق بیله دیده تر
من زاره گور او شهین ایدر
غم فرقتی نقدر اثر
ایلیوب مصیبت آیریلوق
من خسته نی ایله خون جگر
که دوزنمرم بو مصیبته
غم بیکراندی رقیه جان
.
.
ندن ای گل حق لم یزل
گیجه آغلوسان گونوز آغلوسان
ندن ای جمال حقه مثل
گیجه آغلوسان گونوز آغلوسان
بیله کیم فراقدن ای گوزل
گیجه آغلوسان گونوز آغلوسان
یته سن وصال حقیقته
منه بو عیاندی رقیه جان
.
.
سنده من کیمی ای گوزل بالام
نار هجردن گرچه یانموسان
شوق وصل جانان هواسیله
شام و کوفه نی چوخ دولانموسان
ایله اوزموسن ال بو کوندن
بو خرابده دالدالانموسان
گوئیا بو یئر شامده سنه
ابدی مکاندی رقیه جان
.
سن کی ایلدون بو خرابه ده
وصل یاریدن اوتری اعتکاف
گوز یاشیله آیینۀ دلی
صیقل ایلدون مثل آفتاب
لایق اولدی دل، جان حضورینه
گلدی شه باشی ایلدون طواف
باش نه باش که هر آشنایه بیر
گنج شایگاندی رقیه جان
.
.
فکر شاعری شوق وصلدن
نوحه ایلیوب ایله منحرف
وزن و قافیه چخدی فکردن
اولدی وزن لر بیله مختلف
یازدی نوحه نی اشگ چشمله
راز عشقوی ایدی منکشف
سنده لطفیله ایله بیر نظر
گور نه خوش بیاندی رقیه جان
.
.
طاقت و توان ویردی فکرینه
تا بو نوحه نی ایستیوب «حبیب»
«عابد» فتی سویلیوب کی یاز
«فانیا» داخی ایلمه شکیب
ایسته حقّدن تا کی ایلیه
جمله اونلارا کربلا نصیب
حق یانوندا چوخدور شرافتون
عالمه عیاندی رقیه جان
.
#سبک_ساخلا_ناقه_می_کاروانیدن (بیش از 8 سبک زنجیر و سینه زنی)
.
.
#حضرت_رقیه_شهادت
#یوزون_ارغوان_گلی_تک_سولوب
#فانی_تبریزی
#ترکی
.
✍️ #زبدةالاشعار ✍️
.
?: @nohe_torki

این متن را هم بخوانید:  القصه باتدی قانه حسینون دلاوری #قاسمیه

نظر دهید

دسته بندی درختی

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

Search
Generic filters
Filter by Custom Post Type

دسته بندی درختی