زینبیم گل گوزلریمی باغلا راحت جان وئروم #حسنیه_غمکش

شهادت حضرت امام حسن(ع)
..
..
مرحوم غمکش
..
..
زینبیم گل گوزلریمی باغلا راحت جان وئروم
باشیم اوسته قلب ائویندن آغلا راحت جان وئروم
باغلا قاره زینبیم
یوخدی چاره زینبیم
..
..
قاسمیم قالدی باجی اونّان مواظب اول گنان
غم یئمه تا وار حسینیم صبر ایله ای باغریقان
وئر خبر گلسون هرایه قارداشیم ای جانفشان
ابر تک هجر و غمیمده دولما راحت جان وئروم
باغلا قاره زینبیم
یوخدی چاره زینبیم
..
..
گلسه قارداشیم باجی قرآن قرائت ایلیر
سیزلره مندن صورا لطف و عنایت ایلیر
کربلاده غم یئمه بیر گون قیامت ایلیر
آغلیوب ایندی ئوزون سن یورما راحت جان وئروم
باغلا قاره زینبیم
یوخدی چاره زینبیم
..
..
گلدی امداده شه کربوبلا گوردی حسن
ئوز ائوینده زهریله مسموم اولوب تیترور بدن
آز قالوب خاموش اولا گوردی او ماه پنج تن
سسلنور قرآن اوخی لنگ اولما راحت جان وئروم
باغلا قاره زینبیم
یوخدی چاره زینبیم
..
..
باشینون اوسته حسین قرآن تلاوت ایلدی
بیلمورم اوندا او مولا نه وصیّت ایلدی
گوزلرین یومدی اودم درک شهادت ایلدی
ورد اولوب قارداش سوزی سن آغلا راحت جان ویروم
باغلا قاره زینبیم
یوخدی چاره زینبیم
..
..
گئتدی قبره منجی امّت بدنده وار یارا
دوتدی اجلالین حسین ابن علی چوخ با صفا
قوردی مجلس عرشه قوزاندی او دم سوز و نوا
«غمکشی» مدّ نظرده ساخلا راحت جان وئروم
یوخدی چاره آغلارام
باشه قاره باغلارام
..
..
#حسنیه #غمکش #حسنیه_شهادت #ترکی #زبدةالاشعار