آتاسیز طنابی قولدا دولانان رقیه لای لای #کوچ_شام_ثابت_اردبیلی

کوچ از شام
زبانحال حضرت زینب (س) با حضرت رقیّه (س)
..
..
..
..
..
مرحوم ثابت اردبیلی
..
..
..
..
..
آتاسیز طنابی قولدا دولانان رقیّه لای لای
غمی چوخ گیدن اوزاق یول یورولان رقیّه لای لای
..
..
..
..
..
سارالان جمالی گل تک گل گلشن حسینیم
وطنون داشین باشندان آتان ایندی نورعینیم
سنی بو گجه قوجاقه آلا شاه مشرقینیم
قوری یرده آج ویرن جان ویریلان رقیّه لای لای
..
..
..
..
..
سنی قبره من قویاندا اورگیمه قان دولوبدور
بالا بو جنازون اوسته هامی زلفلرین یولوبدور
باشا توپراقی سپوبدور بو آنون رباب سولوبدور
ایاقی قبار یول اوسته دایانان رقیّه لای لای
..
..
..
..
..
بالا هانسی شاهزاده قوری یرده جان وئروبدور
آتانون کسوک باشینا اورگین مکان وئروبدور
هامی عالمه خرابه یرینی نشان وئروبدور
گیدورم بو شامیدن من بیر اویان رقیّه لای لای
..
..
..
..
..
دیسه یثرب اهلی زینب هانی مهربان رقیّه
دیرم خرابی شامی ایلیوب مکان رقیّه
قولی باغلی وئردی تپراقلارون اوسته جان رقیّه
آتا قانینه سراسر بویانان رقیّه لای لای
..
..
..
..
..
بالا دور گیداخ عراقه گوره سن حسین مزارین
بی بیون خرابه یرده بالا آلدون اختیارین
گوزون آچ گیدک یوباتما اسرالرین قطارین
کفنی یاماقلی معجر اولونان رقیّه لای لای
..
..
..
..
..
على اکبرون اطاقین ایلیک بالا قراپوش
اونی شمع تک ایدوبلر او بلالی یرده خاموش
غمون ایلدی رقیّه بو آنون ربابی بی هوش
نه قالوب اورکده صبری نه توان رقیّه لای لای
..
..
..
..
..
بالا حجّت الهى باش آچوب مزارون اوسته
دیدی هانسی شاهزاده بله اولدی دل شکسته
باشی آلتدا پاره کرپیچ ایکی قول طنابه بسته
نجه عمرون اولدی کوتاه سارالان رقیّه لای لای
..
..
..
..
..
بالا دور ربابی دیندیر آلیشوب یانار اورکدن
بالاسی ئولوبدور الده توکلوب قانی بلکدن
بشیگی قالوبدو خالی واری دور گِله فلکشن
باشینون جلال و جاهی داغلان رقیّه لای لای
..
..
..
..
..
قلم الده دلده ثابت سنه بیر علاقه باغلار
یادینا دوشنده شامون غمی کایناتی داغلار
سنه گوزلریم رقیّه نقدر وارام قان آغلار
یازارام که صبری الدن آپاران رقیّه لای لای
..
..
..
..
..