مدح حضرت زهرا (س)
.
✍️ زبدة الاشعار ✍️
.
🆔: @nohe_torki
.
مرتضی اسکندری
.
دختر فرزانه ی ختم رسالت فاطمه
همسر شایسته ی شاه ولایت فاطمه
تاج فرق ساکنان باغ جنت فاطمه
بارگاهی حضرتون هر چند نامعلومیدور
مادر والاتبار یازده معصومیدور
.
.
فاطمه سرلوحه ی اذکار آل اللهیدور
خط سیر فاطمه سیر فنا فی اللهیدور
هامیدان چوخ ذات حق زهرایه خاطرخواهیدور
عالمی دولدورسا نام فاطمه تک دور آدی
برگ برگ لاله های جنته حک دور آدی
.
.
فاطمه کیم دور شهید اول راه علی
فاطمه کیمدور مرید قلب آگاه علی
فاطمه کیمدور بلا گردان درگاه علی
فاطمه یعنی شرافت فاطمه یعنی شرف
فاطمه یعنی گل گلخانه ی شاه نجف
.
.
فاطمه کیمدور که ذات حق اونون مشتاقیدور
فاطمه حکم حجابون بهترین مصداقیدور
ئولمیوب ئولمز خانم تا صبح محشر باقیدور
آند اولا روح الامینون گتدیگی پیغامینه
فاطمه تسکینیدور پیغمبرون آلامینه
.
.
فاطمه کیمدور اونی خلاق داوردن سوروش
اعتبارو عزتون ختم پیمبردن سوروش
خانه داریسون اونون فتاح خیبردن سوروش
مرتضی انگشتر غیرت دی، قاشدو ر فاطمه
مریم و حوا و سارا دن ده باشدور فاطمه
.
.
من امیرالمومنینون عشقینون جانبازیم
باشیمه باران غم یاغسا بو عشقه رازیم
نیلورم نام و نشانی فاطمه سربازیم
باشلیاندا شعریمی حقه توکل ایتموشم
بی ریادور چونکه زهرایه توسل ایتموشم
.
.
اولماسیدی فاطمه اولمازدی حیدردن نشان
بی گمان ابتر قالاردی خاتم پیغمبران
خلق اولوبدور نور زهرادن زمین و آسمان
نور زهرائیله عرش و فرشه زینت ویردیلر
ساکنان نه فلک زهرایه مستاجر دیلر
.
.
خلق ایدنده ذات حق دنیا و مافیهاسینی
خلق ایدوب اولده نور پاک آل یاسینی
مفخر نسوان ایدوب پیغمبرون زهراسینی
ویردی بیر منصب گرامی دختر پیغمبره
حکمرانی ایله سون تا صبح محشر دیللره
.
.
حیف اولا زهرا قالوب تنها پیمبردن صورا
سینه سیندن قان گلوردی صحنه ی دردن صورا
بیر نفر حالین سوروشمور غملی حیدردن صورا
گون به گون تحلیله گیتدی جسم بیمار علی
جان ویروب آخر ولایت اوسته دلدار علی
.
#فاطمیه_مدح
#دختر_فرزانه_ختم_رسالت_فاطمه
#ساعد_زنجانی
#ترکی
.
✍️ #زبدةالاشعار ✍️
.
🆔: @nohe_torki
نظر دهید