در مدح و شهادت حضرت زینب (س)
.
✍️ زبدة الاشعار ✍️
.
🆔: @nohe_torki
.
حاج داود #بیدقداری
.
آدونلا هر مکاندا تا اولور لب آشنا زینب
قیامت ایلیور گویا گوزل آدون بپا زینب
.
نه لفظیله سنی توصیف ائدیم ای روح رحمانی
سنون توصیفووه لازمدی لفظ دلربا زینب
.
دئیه بیللم باخوب گویدن ملکلر قالدیلار حیران
یحب الصابرین الله دئیوب شانونده تا زینب
.
مگر کیمسن ؟که الله ایلیوب زیبا آدون تعیین
سنه خاطر اولوب نازل ملک دیلده ثنا زینب
.
بهار وحی سن یا که بهشت عصمت وپرهیز؟
که دامانوندن عطر آلدی گلاب نینوا زینب
.
اجازه وئر یازیم شعرین گریزین غملی صحرادن
دئیوم هاردان اولوبسان قهرمان کربلا زینب
.
یاز ای خامه یاریم گونده گلستانه خزان گلدی
سارالدی جوراعدادن گل خیرالنسا زینب
.
نجه گل پخش اولارصحن چمنده تند یئل گلسه
گوروب قارداشلارین یئرده او نوعی برملا زینب
.
دئیوب بیرسوزکه تاریخ بشرثبت ایلیوب زرتک
وئروب تاریخ اسلامه بونطقیله بها زینب
.
دئدی الله قبول ایله بو قربانلاری بیزلردن
سنه تقدیم ائدوب داروندارین بی ریا زینب
.
تاپوپدی قتل سلطان خاتمه تا گون دونن ساعت
یامان گونده یامان درده دوشوب دردآشنا زینب
.
امامین ئولدرن لشگرتوکولدی خیمه گاه اوسته
دایاندی داغ کیمین یولدا اودمده باوفا زینب
.
بیابانگرد عربلراللرینده قمچی افعی تک
مقابلده دوران اما عزیز مرتضی زینب
.
نجه عرض ایلیوم الله دگوبدور قمچیلر هاردان
دئیه بیللم چاغیردی داده سلطانی بجا زینب
.
دئدی گل داده آی قارداش ورولارخسته قیزلاری
باخورهرسمته بیریاور تاپانمور مطلقا زینب
.
نه اکبر وارکناریمده نه عباسیم قالور قارداش
کیمه دردین دئسون الان قالوب بی اقربا زینب
.
گل امداده حسین اما سورونمه پیکرون تترر
دوباره اوخ یئریندن قان آخااولماز رضا زینب
.
نه قدری وارتوان منده حریمون ساخلارام قارداش
ئولر، بیگانیه ائتمزولیکن التجا زینب
.
نجه عهدایلمیشدی شیرزن سد اولدی اعدایه
اولوب نیلوفره بنزر گل باغ ولا زینب
.
آچقدوربوسوزوم اما بئله احساس ائدیر قلبیم
اننده قمچی لر باشدان اوتوردی بیصدا زینب
.
چاتوب کرکس لره فرصت وروبلار شعله خرگاهه
باخوب دلدن الولاندی پری سنمش هما زینب
.
داغلدی چوللره قیزلار قالانلار یاندی چادرده
الی باشدا اولوبدور اضطراره مبتلا زینب
.
گنه باک ائتمدی پرگار ایثاره اولان مرکز
ئوزین وردی اودا سجادی تا ائتسون رها زینب
.
یتوردی آلدی آغوشه تالانمش خیمه دن چخدی
اولوبدور وقت بحراندا امامه رهنما زینب
.
بئله ایثاری عمرینده گورنمز دیده ی دوران
گوروب بیر ایش آناسی سسلیوبدور مرحبا زینب
.
ولی چولده حرم آهولرین تعقیب ائدور لشگر
دوتوبلار هربیر آهونی دیوبدور دیلده یا زینب
.
خواتین حرم که گورممیشدی قورخی عمرینده
هراسان هی دیوللر هاردادی مشگل گشا زینب
.
اولوب غارت عفاف اهلی سویانلار اولدولار آرام
تزه باشلاندی بیرمحشر قوروب بزم عزا زینب
.
گوروب بیر گوشه ده تنها دیور لایلای رباب آغلور
اونون لایلاینه خاطر ائدیب نی تک نوا زینب
.
بویاندا ئولمین قیزلار اولوبلار قول بویون باهم
قوشولدی قیزلارا وئردی نشان مهرووفا زینب
.
بوقدرتده خانم آخر قالوب شام ایچره غربتده
گوزی یولدا وروردی جان سفیر کربلا زینب
.
دئیردی یاحسین گل گوزلریم یولدا چخورجانیم
قالوب ناچار جان اوسته سنی ایلور صدا زینب
.
بو شعرونده اثر یوخدور اگر #داور صناعتدن
ریاسیز دور، یقین ایلرسنه خلعت عطا زینب
.
.
#زینبیه_مدح
#زینبیه_شهادت
#آدونلا_هر_مکاندا_تا_اولور_لب_آشنا_زینب
#ترکی
.
✍️ #زبدةالاشعار ✍️
.
🆔: @nohe_torki
نظر دهید