زبانحال حضرت صغری (س) در فراق برادر
.
✍️ #زبدةالاشعار ✍️
.
🆔: @nohe_torki
.
سیفی اردبیلی
.
آدون دیلیمده دی قلبیم دوشوب فشاره على
گوزوم گزر گئجه لر وصلوه ستاره على
.
.
نه دیلده واردی نشاطیم نه دیزده واردی قوا
نه دردیمی ائشیدن وار نه بیر طبیب و دوا
جوانلقمدا زمانه الیمه وئردی عصا
سالوبدی هجر اودی صغرانی احتضاره على
.
.
او لحظه دن که ائدوب ائللریم عراقه سفر
وقار و بختیمون آئینه سین دوتوبدی کدر
سرای عزّتیمه قالمیوب ایشقلی سحر
قرا تلون کیمی اولدی گونومده قاره على
.
غبار غم بورونوب طمطراقی خانه میزون
دونوب خرابیه صحن و رواقی خانه میزون
دوشوبدی نور و ضیادن چراغی خانه میزون
خزان ظلمون أسوب صرصری بهاره على
.
.
چمنده صبح بهاران که غنچه لر گل آچار
اوچار بوداقلارا بلبل ترانیه دل آچار
بو منظره باجوون سینه سینده نسگل آچار
دوشر خیالیمه دیلسیز گئدن هزاره على
.
.
تخیّل عالمی گلزار صحنه سین گزرم
گل عطرین آلماقا هر طعن خاره من دؤزرم
صود امر اصغره شوقیله گه بشیک بزرم
دریغ چاتماز الیم وصل شیرخواره على
.
.
اسنده باد صبا دیزلریم اولار لرزان
یتر مشامیمه تئز بوی طُرّه ی جانان
دیرم آخ او گوزل عطروه باجون قربان
فلک آپاردی سنی هانسی بیر دیاره على
.
.
قضا سالوب منی قوش تک کمند پر محنه
مَلَر گوزوم قالوب حسرت بو پوزقون ائوده سنه
تعجّبم نیه ناز ایلیور اجلده منه
حیاتیدن تولوم آساندی بو فکاره على
.
.
ئوزینه قارداشین ائلده دایاق بیلر باجی
ایتیرسه قارداشینی غصه دن ئولر باجی
ئوزون حساب ائله قارداشسیز ئوله هر باجی
کیم آپارار اونی دفن ائتمگه مزاره على
.
.
بو خانماندا منه مایه ی رجا سنیدون
نزار غم منیدوم دردیمه دوا سنیدون
اورکده که تب و تابیله آشنا سنیدون
ندندی لطفون آزالدی بو بیقراره على
.
.
اطاقوی آچورام جانمازوی سالورام
سسون دوشور یادیما جانه دردوی آلورام
قفسده تنگه دوشن قوش کیمی قناد چالورام
دوشور بو ایستی نفس سینه ده شماره على
.
.
گتورسه باد سحر وار سنه سؤزوم یولدا
اؤتورماتا ئوزومه قالمیوب دوزوم یولدا
گئجه گونوز قولاقیم سسده دی گوزوم یولدا
یتشه مژده ی وصلون بو انتظاره على
.
.
فراق اودیندا یانوب گلمیشم داخی جانه
یوخومدی مشکل آچان آشنا نه بیگانه
گل الده نبضیمی دوت نسخه یاز طبیبانه
ثوابی وار کرم ایله بو اشکباره على
.
.
دؤنیدی کاش بو گونلر بهار اولیدی منه
قاباقکی لار کیمی خوش روزگار اولیدی منه
امیر حُسن رُخون همجوار اولیدی منه
آلاندا بوسه گلیدی نفس خُماره على
.
.
.
.
#حضرت_صغری #سیفی_اردبیلی
#آدون_دیلیمده_دی_قلبیم_دوشوب_فشاره_على
#ترکی
.
✍️ #زبدةالاشعار ✍️
.
🆔: @nohe_torki
نظر دهید