آدی رقیه دی سنی صغیره دور او بالا #حضرت_رقیه_علومی_تبریزی

شهادت حضرت رقیه (س)
.  
.
علومی تبریزی
.
.
آدی رقیه دی سنّی صغیره دور او بالا
حسین قیزی اوزی اما مصیبتی کبرا
.
خرابه نین قاپوسوندا دوراردی افسرده
توکردی اشکنی آهسته عارض زرده
.
کچن اوشاقلارا بیربیر باخاردی اول گل یاس
گورردی اگنینه قزلار گیوبله تازه لباس
.
دیردی آه منیم زیب و زیوریم واریدی
مدینه ده نچه زر دوز معجریم واریدی
.
هزار حیف او گونلر دولاندی خوار اولدوم
خزان یتیشدی بیزیم باغه گل کیمی سولدوم
.
دینده عمه مه نولدی آتام که دوشدوخ اوزاق
دیر سفر ایلیوب صبر ایله قزیم گله جاق
.
دینده من عموم عباس هانی که یوخ اثری
دیور عموندا آتاوین اولوبدی هم سفری
.
خیال ایدور اوشاقام بیر خبر یوخومدی منیم
ولی اوزوم بیلورم اولموشام جهاندا یتیم
.
بو دللریله او قز صبح وشام آغلاردی
باخاردی عمه لری سینه سینی داغلاردی
.
او قدر آغلادی قلبی ملالیله دولدی
بابا بابا دیدی آخرده غصه مرگ اولدی
.
.
#حضرت_رقیه #علومی_تبریزی
#حضرت_رقیه_شهادت
#آدی_رقیه_دی_سنی_صغیره_دور_او_بالا
#ترکی
#زبدةالاشعار