زبانحال حضرت زهرا علیهاسلام
..
..
مرحوم انور اردبیلی
..
..
من فاطمه یم معجریم اشکیله تراولدی
آز عمریده چوخ محنته سینم سپر اولدی
..
..
من فاطمه یم دختر پیغمبر اسلام
حقّیمده بابام بضعة منی ایدوب اعلام
خلقتده هامی من کیمی خوش سیرت و خوشنام
حق دن کیمه یا منکیمی لطف و نظر اولدی
..
..
من فاطمه یم سورۂ کوثردی جلالیم
هم کفو على واقف اسرار عوالیم
اون سگّیز ایلی حق دیدوم حق اولدى مقالیم
سادات بهشتی منیله مفتخر اولدی
..
..
من فاطمه یم ایلمیشم زنده حجابی
برنامۀ عمروم اولوب الله کتابی
تابعدی منه هر خانمون اولسا نقابی
عورتده حیا اولسا اگر معتبر اولدی
..
..
من فاطمه یم چهرۀ تقوا و عفافم
مرضیّه صفت کنز حقه گوهر صافم
داغلار چکلوبدور دلیمه قلبی شکافم
اون سگّیز ایل عمروم منیچون دردسر اولدی
..
..
من فاطمه یم وحی ایوینون محرمی اولدوم
هر غمده اوغولسوز آقامون همدمی اولدوم
دنیادن آنام گیتدی اسیر غمی اولدوم
هر بیر گیجه عمروم ایله دوندی سحر ولدی
..
..
من فاطمه یم عشق ایلدوم سوز و گدازه
دوردوم گیجه لر قبلۀ طاعتده نمازه
محرابده آچدوم دیلیمی راز و نیازه
قبریم ایوی دائم گوزومه جلوه گر اولدی
..
..
من فاطمه یم گل کیمی سولدوم چمنیمده
عیناً غربا تاک یاشادوم اوز وطنیمده
آخدی گوزومه گوز یاشی بیت الحزنیمده
چکدوقجه نفس قلبیم اودی شعله ور اولدی
..
..
من فاطمه یم ثانی منیم چخدی سوزومدن
حمله گتوروب درگهیمه سالدی دوزومدن
یانمیش قاپیا ویردی تکان گئتدوم اوزومدن
یتدی صدفه صدمه شکسته گهر اولدی
..
..
ضربت یته هر حاملیه دهر اولی ظلمات
بطنینده اولان طفلی سلامت قالا هیهات
حملیم یاخنیدی ایلدی ثانی مراعات
لعیا یرینه قابله دیوار و در اولدی
..
..
من فاطمه یم حیدر کرّاریمه حامی
گوردوم که کمکسیزدی او گون عصرون امامی
گر چه یوخودی پیکریمون حال قیامی
دوردوم اوزومه دورماقیم امّا خطر اولدى
..
..
گه کوچیه ظلّام چکوب شیر خدانی
گه منزله من چکدیم او مظلوم زمانی
بو کشمکشی درک ایلین وقتیده ثانی
جهد ایله دیدی قنفذه زحمت هدر اولدی
..
..
قنفذ ستمیندن سخیلوب قلب عوالیم
آلدی الینه هیزم نیم سوز او ظالیم
حمله ایلدی سیندی قولوم قالمادی حالیم
مسماریدن هیزم یاراسی چوخ بتر اولدی
..
..
قنفذ منی ووردوقجا توانادن ال اوزدوم
یارم واریدی جسمده یارادن ال اوزدوم
سست اولدی قولوم دامن مولادن ال اوزدوم
صیّاد همانی یوروب افتاده پر اولدی
..
..
من فاطمه یم قلبیمه غم تیرینی ساچدوم
دوردوم یارالی حالتیله مسجده قاچدوم
مظلومه کمک ایتدوم علینون قولون آچدوم
زهرا کیمی اول سروره حامی مگر اولدی
..
..
من فاطمه یم دهرده سلب اولدی قراریم
آخرده جوانمرگ ایلدی درد و فشاریم
نسگل بودی احبابیمه گیزلیندی مزاریم
قبریم هارادور شیعه لریم بی خبر اولدی
..
..
من فاطمه یم غصه لیم قصر جناندا
مندن ایکی اوغلان ایکی قیز قالدی جهاندا
خوش کچدی نه اوغلانلاریما دور زماندا
نه قزلاریم آخرده منیم بختور اولدی
..
..
پیغمبر اسلامه سخاده مثل اوغلوم
خوش خلق و خوش اندیشه و تقوا عمل اوغلوم
آرام دلیم قُرّة العینیم گوزل اوغلوم
شیرین سو کیمی زهری ایچوب خون جگر اولدی
..
..
اما ایکیمنجی بالا شوریده سر اوغلوم
یثربدن ایدن کرب و بلایه سفر اوغلوم
زهرانی ایدن قانلو باشی در به در اوغلوم
یاتدی گیجه مطبخده بیلورسوز نه لر اولدی
..
..
فکر ایلمیون کوفه ده تک قالدی حسینیم
گیتدوم گوروشه طاقتیمی آلدی حسینیم
مطبخده دیدیم کیم سنه یر سالدی حسینیم
کوفه سفرون آه نه غملی سفر اولدی
..
..
یورقون بالا تجلیل ایله یورقون قوناقوندان
سن سسلن آنا بوسه ایدوم من دوداقوندان
خلقت گلی سن کول یاغور اما اطاغوندان
پیغمبر اسلام ایوی زیر و زبر اولدی
..
..
نخل ستمی خولی ستمله بارا گتدی
مهمان سنی بو مطبخه باشدا یارا گتدی
زهرا آنووی گور چکوب هاردان هارا گتدی
وای غملی بالا غملی آنون در به در اولدی
..
..
#فاطمیه #انور_اردبیلی #فاطمیه_شهادت #ترکی #زبدةالاشعار
نظر دهید