آز سنیله تاریخی قیام ائتدی رقیه #حضرت_رقیه_واصف_مرندی

زهرای سه ساله
.
✍️ زبدة الاشعار ✍️
.
🆔: @nohe_torki
.
واصف مرندی
.
آز سنیله تاریخی قیام ائتدی رقیه
اهدافینی دنیایه پیام ائتدی رقیه
.
.
عالمده نییم واربوگوزل آدیناقربان
تاریخده ایتگین شب میلادینه قربان
اجدادیم آنام جده و اجدادینه قربان
زینب کیمی مافوقینه استادینه قربان
آل اللهی عالمده بکام ائتدی رقیه
.
.
عشق عالمی الله بولور اما هنریلن
یثربلیدی شاماته الهی سفریلن
اعجازطرقینده کی شق القمریلن
چوللرده مصاف ائتدی بلا وخطریلن
درد ومحن وظلمه دوام ائتدی رقیه
.
.
آزسنیله چاتموشدی خانم اوج کماله
مردانه لیقی درس ائلدی جمله رجاله
بیرحکمتی واردیر کی بوعالیه خصاله
فخریله دئیوب عمه سی زهرای سه ساله
بیر عالی مقامیدی به نام ائتدی رقیه
.
.
بو بنده عنایت ایله رونق وئر عزایه
کوثرکی سالوب قرآن آرا فاطمی سایه
آئین ولایتده اولوب مبنی وپایه
اوچ آیه سینی تفسیر ائده آیه به آیه
اوچ ایل یاشادی عشقی تمام ائتدی رقیه
.
.
صبریله گزیب محنت آلام یولوندا
ئوز نقشینی ایفا ائدیب اسلام یولوندا
قالدی اومصیبتلی گجه شام یولوندا
نه شام یولی لشگر ظلام یولوندا
هربیرعملین طبق مرام ائتدی رقیه
.
.
غم یولارینی طی ائلدی حجره به حجره
چاتمامیشیدی اوُل گجه حتی دم فجره
چاتدی بو بالا حد تقربده کی اجره
بیرآه چکوب باخدی بیر احوالیله زجره
رحمت باخیشین زجره حرام ائتدی رقیه
.
.
ویرانه نه ویرانه ولی غصه لی ماوا
هشتاده یاخین عورت اوشاق واریدی اما
هرباره ده فرق ایلدی بو دخت دل آرا
لحنی علوی عشقی متین صحبتی شیوا
هیهات سوزون لبّ کلام ائتدی رقیه
.
.
گلمیشدی یزیدین قیزی ویرانیه دیده
دیل یاره لری ویردی غرور امویده
اما اسرانین آراسیندان بو رشیده
بیرتودهنی ویردی خانم دخت یزیده
دولتلرینی نقص نظام ائتدی رقیه
.
.
برنده گوروبدور خانمین لحن وخطابین
هربیرسوزونه آلدی اوملعونه جوابین
حتی کی یزیده آپاریب بیرنچه بابین
بیرنوعی وئریب مسئله نین حقین حسابین
هرباره ده سرکوب ظلام ائتدی رقیه
.
.
دوزدور واریدی قانلی یارالار ایاقیندا
حتی عطشین سوز و شراری دوداقیندا
آل اللهین اول درد و مصیبتلی چاقیندا
سیندیرمادی ئوز وقرینی دشمن قاباقیندا
غم لشگرینی فاتح شام ائتدی رقیه
.
.
بیرعاشق کاملدی بلالی باشی واردی
یثربدن آغیر طایفه سی قارداشی واردی
عشقین یولونا سپماق چون گوز یاشی واردی
فکر ایلمه بیر طفلیدی کی اوچ یاشی واردی
عاشقلیقین عالمده مدام ائتدی رقیه
.
.
یورقونلوقینی بیر گجه البتده چیخاتدی
آزعمروده ئوز ایستدیگی مقصده چاتدی
قویدی باباسیلان ئوز ئوزه دائمی یاتدی
یاتدی ولی غفلتده یاتانلاری اویاتدی
داغلی اورگین آغلادی رام ائتدی رقیه
.
.
.
#حضرت_رقیه_مدح
#حضرت_رقیه_شهادت
#آز_سنیله_تاریخی_قیام_ائتدی_رقیه
#واصف_مرندی
#ترکی
.
✍️ #زبدةالاشعار ✍️
.
🆔: @nohe_torki