آز غصه ویر بو قلب پریشانه قوی گیدوم #اکبریه_غمناک_تبریزی

وداع حضرت علی اکبر (ع)
..
..
..
مرحوم غمناک تبریزی
..
..
..
آز غصه ویر بو قلب پریشانه قوی گیدوم
دوندرمه باغریمی آناجان قانه قوی گیدوم
..
یاخشی دگل مسافری یول اوسته ساخلاماق
صف صف دوروب باخور منه پیکانه قوی گیدوم
..
بی صبر لوق چوخ ایتمه باخار چون غریب آتام
سنده منی گل ایندی غریبانه قوی گیدوم
..
الله یولوندا چون منی قربان ویروب بوگون
گل سنده ال گوتور منی مردانه قوی گیدوم
..
گر ایسته سن بو قلبیوه چوخ نسگل اولماسون
زینت ایدوب بو زلفیمه وور شانه قوی گیدوم
..
اما وارونسا سو منه گوستر ثواب دور
ویرمزله سو بو دشتیده قربانه قوی گیدوم
..
آغلاما که آغلاماقون وقتی وار گلور
آغلارسون أوندا کیم باتارام قانه قوی گیدوم
..
حقّون وار اوندا ای آنا هر قدر آغلاسان
یوخدور سوزوم ئولونجه گل افغانه قوی گیدوم
..
گورسن جداده شامه گیدر نازنین باشوم
گل دوش دالومجا کوه و بیابانه قوی گیدوم
..
یولاردا قویمارام سنی یالقوز غم ایتمه چوخ
گلّم سنی آپارسالا هر یانه قوی گیدوم
..
چون من بو گونده گیتمه لیم ال گوتور داخی
بلکه یتوم بو شوقیله جانانه قوی گیدوم
..
دنیاده چوخ آنانی اوغولسوز قویوب فلک
یوخدور علاج گردش دورانه قوی گیدوم
..
هرگز سنون وجودیولین اولمارام ذلیل
غمناکوام همیشه عزیزانه قوی گیدوم
..
..
..
#اکبریه #غمناک_تبریزی #اکبریه_شهادت #ترکی #زبدةالاشعار