التجا به سالار شهیدان علیه السلام
.
✍️ زبدة الاشعار ✍️
?: @nohe_torki
.
کربلایی فخرالدین اسکندری «جائدزنجانی»
.
شاها شکسته قلبیله درباره گلمیشم
قلبیم اولوبدی غمله دو صد پاره گلمیشم
.
عبدم قاپوندا حضرت مولا نظاره قیل
لطفون بهاسی،جان اولا بازاره گلمیشم
.
عشقون دیسم منی مجنون ایدوب گزافیدور
اشکیم اودوررواندی بو رخساره گلمیشم
.
عشق عالمینده عاشق دون پایه وم حسین
خارم محبت ایله که گلزاره گلمیشم
.
محزون و خسته و زارم شکسته دیل
چوللردولانمیشام گینه آواره گلمیشم
.
باب رجادی درگهون ای پور بو تراب
دردیم عیان ایدم سنه گفتاره گلمیشم
.
سن بحرعزّت وشرف و شاه عشقیسن
مشتاق اولوب بو درگهه دیداره گلمیشم
.
امّیدیلن کرملی دامنیوی دوتمیشام حسین
دردیم دواسین آلماقا یک باره گلمیشم
.
بوینومدا طوق توبه خطاکار و عاصیم
پاک اولماقا نِدیم بو نمکزاره گلمیشم
.
گیزلیندی دردیم ای شه لولاکه سویگولی
چوخ یر دولانمیشام داخی زینهاره گلمیشم
.
زینب باجوندان آلماقا دردیم دواسینی
مرهون رحمت ایله سون ،اظهاره گلمیشم
.
باب الحوائجه باجیوا سن سفارش ایت
ارزانی لطفین ایلیه بو زاره گلمیشم
.
پهلوشکسته ام ابیهایه ویر قسم
بیردم نظاره ایلیه بو خواره گلمیشم
.
گلزارعشقه داخل اولام یول تاپانمدیم
اوخشاتدیم ئوز وجودیمی بیر خاره گلمیشم
.
خارون گوله به غیر حفاظت نه زحمتی
ال آتمیشام قُماط لبن خواره گلمیشم
.
جانا توسل ایله میشم اوغلون اکبره
یالوارماقا قاپوندا علمداره گلمیشم
.
عباسه زینبون بیلورم چوخدور اُلفتی
عباسه خاطر آلماقا بیر چاره گلمیشم
.
«جائد» یازار که ما حصل ای شاه ذوالکرم
روشن گونوم دونوبدی شب تاره گلمیشم
.
#ورود_محرم
#حسینیه_مدح
#شاها_شکسته_قلبیله_درباره_گلمیشم
#جائد_زنجانی
#ترکی
.
✍️ #زبدةالاشعار ✍️
?: @nohe_torki
نظر دهید