آسمان یثرب ده آی چیخوب محاقیندن #عباسیه_مصیبی_تبریزی

میلادیه حضرت ابوالفضل العباس (ع)
.
.
.
#مصیبی_تبریزی
.
#سبک_ساقیا_بده_جامی
مشابه

.
.
آسمان یثرب ده آی چیخوب مَحاقیندن
باشینه دولاندی گون شور اشتیاقیندن
فرشیان گلوب وجده حیدرین قوناقیندن
قدسیان گلوب وُرسون بوسه د یل دوداقیندن
.
مرحبا – مرحبا – گوزلره ضیا گلدی
صاحب – پرچم – دشت کربلا گلدی
.
.
.
چرخ حُسنیده نور وجهی ، ظلمتی آشدی
ماهِ طلعتِ عباس مه لقا لره باشدی
گوزلری؛ دل آرادی قاشلاری؛ قلم قاشدی
بسدی بو مقامینده چون حسینه قارداشدی
.
ساقی – بادۀ – هادِ مُ الدّوا گلدی
صاحب – پرچم – دشت کربلا گلدی
.
.
.
چیخدی تا مه حیدر آسمان ائدوب خنده
عرشید ن ندا گلدی کامل اولدی پرونده
یاحسین گوزون آیدین آی دولاندی ساینده
صاحب علم گلدی منده واله ام سنده
.
خادمِ – درگه – خیرة النسا گلدی
صاحب – پرچم – دشت کربلا گلدی
.
.
.
هانسی گوز بو دنیاده بیله گوزلره بنزر
وجه عالم آراسی لوح مرمره بنزر
طّرۀ سیه فامی زلف حیدره بنزر
قوللاری قیامتدی یوخ او اللره بنزر
.
چاره سیز- درد لره- مرهم و دوا گلدی
صاحب – پرچم – دشت کربلا گلدی
.
.
.
کیم باش اگسه عباسه ائتمزآهیلن افسوس
نوکرین علی اوغلی والله ایلمز مأیوس
حاجتین روا ایلر کیم اولا اونا مأ نوس
آلتی گوشه محرابه سائلین ائدر پابوس
.
بلکه بو – محفله – عطر نینوا گلدی
صاحب – پرچم – دشت کربلا گلدی
.
.
#عباسیه_میلادیه
#آسمان_یثرب_ده_آی_چیخوب_محاقیندن
#ترکی #عباسیه #مصیبی_تبریزی
#زبدةالاشعار