زبدةالاشعار

ای جلوه ده آئینۀ انوار تعالی #حسینیه_بیدقداری

ولادت امام حسین علیه السلام
.
.
.
حاج داود بیدق داری
.
ای جلوه ده آئینۀ انوار تعالی
ای احمد محموده اولان سر سویدا
.
تا گوردی جمالون علی عالی اعلا
گل تک آچیلیبدور دوداقی سویلدی گویا
.
خوش گلدون علی گلشنینه ای گل زیبا
سنسن شرف و شور ثرا نور ثریا
.
سنسن ائلین نهضتی عشق عالمی برپا
سن ایلموسن عهدیوی ذرّ عالمی امضا
.
تا گورسنوب عشق عالمی اول قامت رعنا
ایماندا اونون کولگه سینه اولدی هویدا
.
عشقیله شرف، عزت و ایمانیله تقوا
تاپدی هره سی نهضتوویلن دولی معنا
.
ای فطرسی غمدن قوتاران میر تولا
درگاهیوه گلدیم الی بوش دلده تمنا
.
بازار قیامت آچیلان وقتیده فردا
یوخدور سنون عشقوندن علاوه منه کالا
.
یالواردی سنه نهرفرات ایچمدون اما
جانیم سنه قربان لبی تشنه ئوزی دریا
.
بیرجمله سوزوم واردی دئیوم تا بیله دنیا
سنسن ایکی عالمده منه سرور ومولا
.
.
.
ای کشف وکرامت، یوزی جنت، ئوزی حکمت
یوخ شبهه سی مولا سنه مدیوندی نبوت
.
.
.
.
ای جنّ و پری خاک قدومینده گل افشان
عرش اهلی قالان حشمت و اجلالینه حیران
.
شعبان آئی گل فصلی گله گولدی دوداقون
بلبل لر اولوب مدحیوه گلشنده غزلخوان
.
گویلرده سنون سائلووین حرمتی واردی
ای غیب و شهود عالمینه یئرده کی سلطان
.
ظلمت گجه سی پرده چکنمز سحر اوسته
سن اولسان اگر گویده گونه مشعله گردان
.
گویلرده فرشته ائلیر شأنینه تعظیم
یئر اوسته اگر آدیوی دوز سسلسه انسان
.
بیر یئرده کی درمان ائلیور دردی نگاهون
یوخ حیرتی گر مور اولا لطفونله سلیمان
.
بیر یئرده کی باشون اوخیور نیزده کهفی
اغراق دگل گر دئسه لر سینووه قرآن
.
عفو ایله آقا سوز دولانوب نیزیه چاتدی
قلبیم کیمی شعریم دولانوب اولدی پریشان
.
اسرار الهی اوجالوب قانلی بوغازدان
عریان دوه اوستونده باجون ایلدی افغان
.
ثاراللهی تا گوردی جمال اللّهه آخمیش
عرض ائتدی هلالیم یارالی باشووه قربان
.
.
.
سن عشق نگاریله قویوبسان باشا بیر تاج
منده ائدرم شامه کیمی ناقه ده منهاج
.
.
#حسینیه_میلادیه
#ای_جلوه_ده_آئینه_انوار_تعالی
#ترکی
.
.

متن پیشنهادی:  دوت الیمدن سن منیم شاه خراسان الدخیل #رضویه_غمکش

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی