زبدةالاشعار

آغلارام شام و سحر سبط پیمبر حالینه #کاظمیه_شهاب_تبریزی

شهادت حضرت موسی ابن جعفر (ع)

.
✍️ #زبدةالاشعار ✍️
.
🆔: @nohe_torki
.
مرحوم شهاب تبریزی
.
آغلارام شام و سحر سبط پیمبر حالینه
جان ویرن زندانیده موسی بن جعفر حالینه
.
.
بولمورم بو سرورین هانسی غمین تعداد ایدوم
گوز یاشین رخساره جاری چون شط بغداد ایدوم
ذلتین یاد ایلیوم یا غربتیندن داد ایدوم
بیر یانار اوددی باخاندا اول شهین هر حالینه
.
.
بسکه چکدی گوشۀ زندانیده بی حد بلا
اولدی بیر نوعی ضعیف اول سرور ملک وفا
یل دگنده میل ایدردی گه صاقا گاهی صولا
حالتی تشبیهیدی برگ گل تر حالینه
.
.
گورمیوب عالمده هرگز بیله غربت بیر غریب
چکمیوب موسی بن جعفر تک مصیبت بیر غریب
یوخ سراقیم چکماقا بر بیله ذلّت بیر غریب
بیله غربت هیچ کیمون اولموب مقدّر حالینه
.
.
گوشۀ زندانیده اون یدی ایل شام و سحر
بو غریبون آلمادی بیر کیمسنه حالین خبر
نه گلن نه بیر گیدن زنجیریده خونین جگر
بیله دور بالله باخان اولماز غریبلر حالینه
.
.
ایتمدی هارون بو قدری جور و ظلمه اکتفا
بیر نچه دانه رُطبده گوندروب زهر جفا
قالدی مجبور ایلدی میل اُول امام ماسوا
یاندى قلبی اول شهین یاندی ملکلر حالینه
.
.
زهریله مسموم اولوب خیلی پریشان حالیله
جان ویروب اوچ گون جنازه قالدی بو منوالیله
گلدی اوچگوندن صورا بیر تخته دوت حمّالیله
بیله تشییعی اولونموب هیچ ئولنلر حالینه
.
.
ایتدی تشییع جنازه اول شهی چون دوت نفر
تا او احواله سلیمان ایتدی قصریندن نظر
اوز غلامین ایتدی احضار آلدی احوالی خبر
کیمدی بو بیکس بو گون باخموبدی کسلر حالینه
.
.
اولدی تعجیل تمامیله غلام أولدم روان
بولدی احوالی گلوب تفصیلله قیلدی بیان
باشنه ووردی سلیمان ایتدی فریاد و فغان
آغلادی اول بیکس و بی یار و یاور حالینه
.
.
گلدی قصریندن ویروب غسل ایتدی پر قیمت کفن
ایستیوب اوز اهل بیتین سویلدی باصد محن
بو غریبه آغلیون بیر اوخشیون فریادیلن
یوخ یانندا آغلیه باجی برادر حالینه
.
.
وار یری بو غصّه دن یکسر گوگوللر قان اولا
حشره دین نوحه سرا بو عالم امکان اولا
عالمون جانی حسینون جاننه قربان اولا
هیچ کیمون حالی قیاس اولماز او سرور حالینه
.
.
اولمادی کرب و بلاده کیمسه عاشورا گونی
غسل ویرسون دفن قیلسین کربلا مظلومنی
جای اینکه قویماسونلا بی کفن گل جسمنی
سویدی رختین یانمادی قوم ستمگر حالینه
.
.
یا حسین بو ایل شهاب أون یدی ایلدی هوچکر
درگهون ایلوب طلب درویش تک شام و سحر
قیل بوجمعین سایه سینده بو حقیره بیر نظر
گاه گاه ایلر نظر شهلر گدالر حالینه
.
.

متن پیشنهادی:  دائماً دیلده آدون ازبردی یا حیدر مدد #حیدریه_حضرتی_ناعمی

.
.
#کاظمیه_شهاب_تبریزی
#کاظمیه_شهادت
#آغلارام_شام_و_سحر_سبط_پیمبر_حالینه
#ترکی
.
✍️ #زبدةالاشعار ✍️
.
🆔: @nohe_torki

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی