آغلارام یانّام آنا هر آن سنه یافاطمه #فاطمیه_حامد_تبریزی

زبانحال حضرت علی (ع) در شهادت حضرت زهرا (س)
.
زبدة الاشعار
.
: @nohe_torki
.
.
#سبک_زینبم_جان_اوستیم ( 4 سبک ) … یه سوال دارم مگر ما دل نداریم ای خدا … اذن ویر یا رب گله مهدی امید هل اتی … مولا ، آقا ، عجل علی ظهورک … زینبم جان اوستیم … اکبریم گل گوزلرون قربانی … کس منیم ظلمیله ای حارث کافر باشیمی
.
.
مرحوم علی اکبر حامدی
.
آغلارام یانّام آنا هر آن سنه یافاطمه
وای منیم احوالیمه ایوای منه یافاطمه
.
.
.
ای دونن گوزیاشی قانه آغلین هر صبح و شام
کثرت غمدن گوزونده عالم اولدی تیره شام
فتح باب ایتدی جفایه فرقۀ بی ننگ و نام
قیزلارون مشکل یتیشسون ایمنه یافاطمه
.
.
.
یانمادی بولمم ندن عالم شرار و آهیوه
محنت بی حد یتیشدی خاطر آگاهیوه
اونداکی اهل جفا اود ووردولار درگاهیوه
اولمادی بیر کیمسه رحم ایتسون سنه یافاطمه
.
.
.
شرح ایدم چوخدور بلاسی باشیمون گلمز سانا
یاد ایدوب نسگللرون زینب گرک دلدن یانا
قان اولوب گوگلوم او سینندن آخان قان تک آنا
بیر نفر یوخ تسلیت ویرسون منه یافاطمه
.
.
.
وصلۀ چادر شبون یاده دوشنده دل یانار
اود دوتار بو شعلۀ آهیمله آفاق اودلانار
زینبون آیا نجه بو محنتی آسان سانار
عجز ایدردون سن وفاسیز دشمنه یافاطمه
.
.
.
باغلادی اهل جفا هر سمتیدن چاره یولون
محسنون سقط اولدی، یاندی درگهون، سیندی قولون
باش آچوق ضعف ایلدون دشمنلر آلدی صاق صولون
قیزلارون هردم گلردی شیونه یافاطمه
.
.
.
یانمادی یانّام آنا احوالیوه ثانی بیر آن
حقّیوی آلدی الوندن ای پیمبردن نشان
ووردی بیر سیلی، قولاثون پارچالاندی آخدی قان
صورتون تبدیل اولدی سوسنه یافاطمه
.
.
.
بیر نفر یوخ انتقامون قوم اعدادن آلا
بیله ظلمه کیم دوزر ای کنز آلام بلا
حامله عورت در و دیوار آراسیندا قالا
خوش گلور بو غم خدای ذوالمنه یافاطمه
.
.
.
قنفذین ظلمی دوشنده یاده گوزیاشی آخار
یاندورار دنیانی آهیم نار سوزانه یاخار
ایمدیده قبرونده گویا سینوین قانی قالار
زینبین اشکی آخان تک دامنه یافاطمه
.
.
.
ایلیوب حالی منی جدّیم آتام بو مطلبه
ایمدیدن سالموش بو خسته جانیمی تاب و تبه
گور سنی مقتول ایدنلر رحم ایده لّر زینبه
نه باخار طفل صغیره نه منه یافاطمه
.
.
.
آشنا اولّام غمه دور ایلدوقجا روزگار
ئولدورر اوغلون حسینی کربلاده اهل نار
پیکر صد چاکینه ازبس قلج نیزه وورار
جسمی اوخشار بیر پوزولموش گلشنه یافاطمه
.
.
.
«حامدا» باغرون اولوب قان کثرت غمدن سنون
وار یری اوج ایلسه افلاکه داد و شیونون
بو بیان اولموش وردی زینب مطلومه نین
آغلارام یانّام آنا هر آن سنه یافاطمه
.
.
.
#فاطمیه_شهادت
#آغلارام_یانام_آنا_هر_آن_سنه_یافاطمه
#حامد_تبریزی
#ترکی
.
#زبدةالاشعار
.
: @nohe_torki