.
✍️ #زبدةالاشعار ✍️
.
🆔: @nohe_torki
.
سید مسعود نقیب
.
ثبت اولوب حرّیّتون سوداسی عاشورا گونی
ضبط دیر عشقین گوزل معناسی عاشورا گونی
.
.
درج اولوب کرب و بلاده چوخ غم افزا صحنه لر
حک دیر هرصحنه سینده قانلی قانلی صحنه لر
یاد ایدیر هر عصرده بو ماجرانی شیعه لر
شوریلن هر ایل اولور امضاسی عاشورا گونی
.
.
نقل اولوب بو صفحه نون یتمیش ایکی امضاسی وار
کربلا چوخ فخر ایدیر بو صحنه ده سوداسی وار
یوسف زهرا حسین تک مهربان مولاسی وار
عزتّه امضا ووروب اعضاسی عاشورا گونی
.
.
ائت نظر بیر عاشقانِ پاک کوی دلبره
قاسمِ نو رسته یه شبه پیمبر اکبره
شیرخواره طفل شش ماهه علی اصغره
یاد ائلهر اخلاصیله عباسی عاشورا گونی
.
.
گرقالوب دنیاده ایندی حجّلیه ، صوم و صلات
امر بر معروف و نهیِ منکر و خمس و زکات
بو گوزل اعمالیلن ر شیعه اگر تاپدی نجات
قانیلن بیل که اولوب احیاسی عاشورا گونی
.
.
ائیلیوب عنوان حسین «هیهات مناالذله» نی
قان یقین پیروزدور شمشیره ای قوم دنی
سو نئجه سیرآب ایدر گلزاری ، باغی ، گلشنی
قاندا نابود ائیلیوب خنّاسی عاشورا گونی
.
.
ظهر عاشورا حسین شوقیله آلدی دستماز
یوز دوتوب میعادِ معشوقه ایدوب راز ونیاز
سسلدی ” الله اکبر” ، قیلدی عشقیله نماز
جلوه لندی حضرتون سیماسی عاشورا گونی
.
.
سو کنارینده سوسوز پیغمبرون پاک عترتی
قان ویروب جاندان گیچوب محو ائیلیوبلر ذلتی
ظالمه باش اگمیوب لرکسب ایدوب لر عزتی
عشقه باخ طغیان ایدیر دریاسی عاشورا گونی
.
.
عشق بازارینده یکسر شوریلن ، غوغا اولوب
گلشن دینده گوزل یتمیش ایکی لاله سولوب
بی مروت لر بوگون اخیامه آخر اوت ووروب
قوزانوبدی درد و غم آواسی عاشورا گونی
.
.
درس آلوب آقا حسین دن هر زماندا شیعیان
سوز لرین قلبه یازوب لار قهرمانان جهان
بو یولی طی ائلیوب لر شوقیلن پیر و جوان
بو گوزل عهدون اولوب ایفاسی عاشورا گونی
.
.
پیرو راه حسین ذلّت قبول ایتمز یقین
اهل باطل کامینه هیچ وقت ده یتمز یقین
اهل ایمان ، خطِ کفر و شرک دن گیتمز یقین
اورگدوب درس شرف آقاسی عاشورا گونی
.
.
ایستوسون سنده «نقیبا» قسمت اولسون کربلا
گید او یولدان که ، گیدوبلر هر زمان اهل ولا
لطف ایدرر اهل ولایه شافع روز جزا
بیر برات کربلا مولاسی عاشورا گونی
.
.
.
#عاشورا #سیدمسعود_نقیب
#ثبت_اولوب_حریتون_سوداسی_عاشورا_گونی
#ترکی
.
✍️ #زبدةالاشعار ✍️
.
🆔: @nohe_torki
نظر دهید