زبانحال حضرت زینب (س) به امام حسین (ع)
در مصیبت قمر بنی هاشم (ع)
..
✍️ #زبدةالاشعار ✍️
.
🆔:@nohe_torki
.
#سبک_زینبم_جان_اوستیم … 4 سبک
.
مرحوم رجایی تبریزی
.
آغلاما ای خسرو ملک امامت آغلاما
قارداشون عباس ئولوب باشون سلامت آغلاما
.
یوخ سوزوم چوخ مشگل اولدی بو مصیبت بیزلره
کوفیه گیتماق یقین اولدی من غم پروره
سن هله پوزقون نشان وئرمه اوزون بو لشگره
شه پوزولسا تیز تاپار دشمن جسارت آغلاما
.
.
آغلاسان زیبنده دور عباس تک قارداشوا
لیک صبر ابله باجون قربان اولا گوز یاشوا
گل اوتور بیکس عیالون خیمه ده یغ باشوا
تسلیت ویر قیزلارا ای کان رأفت آغلاما
.
.
سلب ایدر قارداش غمی دوزدور اورکدن اختیار
پوزما حالون ای حسینیم ای شه گردون مدار
قوی هله بیکس عیالون بولمه سون قارداش نه وار
کیم ایدر بس اهل بیتوندن حمایت آغلاما
.
.
انبیادن سن بو گون تصدیق صبرى آلموسان
صبروویله حیرته افلاکیانی سالموسان
نه مصیبت یوز ویروب قارداش بو حاله قالموسان
حالوی بیر گوز یاشون ایلور حکایت آغلاما
.
.
دوزدی قارداشی ئولن بیر ابر نیسان تک دولار
گورسه قارداش داغی هر کس رنگ رخساری سولار
سن پوزولسان اهل بیتون باش آچار زلفین یولار
قیزلارین حالین اوزون ایله رعایت آغلاما
.
.
بو پوزولموش حالتون باعثدی اشک آلیمه
مطلبی آنلار باخان اولسا بو پوزقون حالیمه
سن بو احواله قالاندا وای منیم احوالیمه
زینبه اولدی یقین امر اسارت آغلاما
.
.
گرچه قارداشون ئولوب توکمه سرشگون دامنه
دور و بر دشمندی قارداش گلمه داد و شیونه
چکمه خجلت ویر منه مشکی باجون قربان سنه
ایلرم من قیزلارا کشف مصیبت آغلاما
.
.
چکمه غم سو اولمادی ممکن بو آل حیدره
تشنه لب اطفالووی حیران قویوب بو منظره
سنده گل قارداش بو پوزقون جمعیله اگلش یره
ایله عبّاسین غمینده استقامت آغلاما
.
.
حالوی ایستکلی قارداشی ئولن اولسا بولر
دوزدی قارداشی ئولن باشین آچار قارداش سولر
آغلاما سن آغلیاندا طعن ایدر دشمن کولر
چوخ چتین بیر یاره دور زخم شماتت آغلاما
.
.
گوز تکوب بیر عده بو عورت اوشاق قارداش سنه
توکمه گوز یاشون آنام زهرانی گئتدون شیونه
وئر خبر عبّاسیمون حالین حسین قارداش منه
باغریمی قان ایلدی بو غملی حالت آغلاما
.
.
ساکنان عرشه تاثیر ایلوری حالون سنون
قارداشون عباس ئولوب پوزقوندی احوالون سنون
چوخ یوبانما گل اوزین ئولدوردی اطفالون سنون
خیمه ده برپا اولوب شور قیامت آغلاما
.
گورموسن آیا نجه عباسمون جان ویرمه سین
قالموسان بو حاله پوزدون حالینی من بیکسین
قوی گوزون یاشین سیلیم باری اوشاقلار بولمه سین
یوخ بو حالون گورماقا بیزلرده طاقت آغلاما
.
.
چوخ چتین ایشدی ایکی قارداش ایده باهم سفر
اهل بیتی گوزلیه ایندی مسافرلر گلر
قارداش ئولسه قارداشى بولمز نجه ویرسون خبر
من اوزوم ویرّم خبر چکمه خجالت آغلاما
.
.
#عباسیه_رجایی_تبریزی
#عباسیه_شهادت
#آغلاما_ای_خسرو_ملک_امامت_آغلاما
#ترکی
.
✍️ #زبدةالاشعار ✍️
.
🆔:@nohe_torki
نظر دهید