شهادت حضرت امام حسن (ع)
.
.
#سبک_یارالی_جان_یارالی و … 4 سبک
.
.
مرحوم حاج حیدر خوندل تبریزی
.
.
آغلاما گلمه بیله ناله و فریاده باجی
گوزلرون آغلیه جاق گرچه بو دنیاده باجی
.
.
ای گل گلشن زهرا اوزی دریای حیا
هر قضا گلسه آنام تک باجی ویر سنده رضا
صبر ایله دوست دوتار صابری عالمده خدا
هم ویرر یاخشی جزا عالم عقباده باجی
.
.
دوزدی حقّون وار ایدورسن یوزه گوزاشی نثار
آتامین آیریلیقی سندن آلوب صبر و قرار
گینه دوز گلمه بیله شیونه ای کان وقار
اجر وار عالم معناده شکیباده باجی
.
.
ای صفاتینده آنام فاطمه نین نائبه سی
وار حسین قارداشیمون دشت بلا واقعه سی
اونداکی دشمنین اولدی عمل فاجعه سی
آغلا توک گوزیاشیوی دامنه، گل داده باجی
.
.
ساخلا وار یاخشی محلّی باجی بو گوزیاشیوین
ثبت اولوب باشدا هامی درد و بلاسی باشیوین
کربلا واقعه سی واردی حسین قارداشیوین
آغلا گل شیون و فریاده او صحراده باجی
.
.
لوح تقدیرده تحریر ایلیوب کلک قضا
سیزه منزل اولا بیر قورخولی صحرای بلا
اوردا آل اللهه بیر ظلم ایده جاق اهل جفا
آغلاسان سنله گلر نالیه زهراده باجی
.
.
سینویی سوزش غم گونده باجی داغلیه جاق
سیزه اوّل سو یولون اهل جفا باغلیه جاق
گل کیمی قیزلار عطشدن سارالوب آغلیه جاق
مین خزان آفتی وار هر گل رعناده باجی
.
.
هر آنا اوردا گرک اشکینی جیحون ایلسون
عارضین خون دلی گوزیاشی گلگون ایلسون
عشق لیلاسینی اکبر غمی مجنون ایلسون
دوشه جاق چوللره سرگشته و افتاده باجی
.
.
الدن ال چکماق ابوالفضلی سرافراز ایده جاق
غایت همّت و غیرت ندی ابراز ایده جاق
یاناجاق لبلری دریایه ولی ناز ایده جاق
واردی معنای مواسات او سقّاده باجی
.
.
عشق دریاسی او چولده ایله طوفان ایده جاق
سیل غم پایه ی آمالوزی ویران ایده جاق
قاسمین دینه سریّه اوزی قربان ایده جاق
سود سرشار آلاجاق بیر ایله سوداده باجی
.
.
اوردا هر فکری ولا اهلی باجی باشدان آتار
اوردا عشق اهلی گلر عشقیله مقصوده چاتار
اوردا بیر عدّه وفا کانیی صفائیله یاتار
رشک اولار عرشه او یر عالم معناده باجی
.
.
اوردا گلزار علی گللری ظلمیله سولار
اوردا هر اهل دلین گوزلری اشکیله دولار
اوردا هر هجره یانان وصله گلر نائل اولار
واردی بیر عمردی #خوندل او تمنّاده باجی
.
.
.
.
#حسنیه_شهادت
#آغلاما_گلمه_بیله_ناله_و_فریاده_باجی
#خوندل_تبریزی
#ترکی
#زبدةالاشعا
نظر دهید