زبدةالاشعار

آلمیشام اوغول سراغین یاخشی امتحان وئروبسن #حضرت_ام_البنین_محزون_زنجانی

زبانحال حضرت ام البنین (س) در مدینه
.
#سبک_سو_یوخومدی_قیزلاروندان … 5 سبک
.
حاج محمد زرلانی( #محزون_زنجانی)
.
آلمیشام اوغول سراغین
یاخشی امتحان وئروبسن
تشنه لب سودان چیخوبسان
عشقوی نشان وئروبسن
.
.
اوزموسن حیاتیدن ال
قوللارون دوشن زماندا
دوشموسن نه حاله بیلمم
سرنگون علم اولاندا
ئولماقا رضا اولوبسان
بیرده مشگین اوخلاناندا
قطب دینه غیرتوندن
روح جاودان وئروبسن
.
.
شرح حالیوی سوروشدوم
سو اولوب سنه میسّر
رمز عشقیده دوروبسان
فوج نفسوه برابر
تشنه لب سودان چیخوبسان
اولموسان عزیز داور
درس مکتب وفانی
عالمه بیان وئروبسن
.
.
قطع اولوب سودان امیدین
آی کیمی اودور باتوبسان
باطن عالمینده امّا
مقصده گوزل چاتوبسان
ائتموسن ادب رعایت
شاهدن اوزاق یاتوبسان
مرحبا بئله کماله
معرفت نشان وئروبسن
.
.
عالمه بو سوز یقیندور
کیمسه اولسا باشهامت
چوخ نفیس بیر شجاعت
خلق آرا قویار علامت
حشره دین همان علمدن
یاد ائدر اونی جماعت
سن شجاعته تکامل
خوردا قبر عیان وئروبسن
.
.
اولموسان سودان خجالت
گوزدن عالمی آتوبسان
باشی و جانی دین یولوندا
یاخشی مدرکه ساتوبسان
علّتی ندور بو سرّین
خوردا قبریده یاتوبسان
بند بند اولان وجوده
خوردا یر مکان وئروبسن
.
.
ظلم نوفلی ائشیتدیم
دوشدی قلبیمه شراره
آغلارام ئولونجه گلّم
بو سوز اوسته آه زاره
اولمادیم بلا چولونده
جسموه ائدم نظاره
دوشموسن نه نوعی آتدان
طاقت و توان وئروبسن
.
.
بیر بویوک غمون ائشیتدیم
مین غمه برابر اولدی
رسمدور بیری یخلسا
تپراقا ستون قولدی
سن یره دوشنده قولسوز
کیم سنه حمایل اولدی
غم فزا شهامتوندن
عمریمه خزان وئروبسن
.
.
ائتمیشم مکان بقیعه
روز و شب ایشیم نوادی
عمریم آخره یتونجه
آغلاسام سنه سزادی
بیر ائله رشیده آیا
خوردا قبره نه روادی
شرح صحبتونده چوخ غم
بینوا آنان وئروبسن
.
.
پادشاه کربلانون
ای غیور سرسپاهی
دفتریمده هر نه یازدوم
نقصدور وار اشتباهی
ایسترم سنون الونله
رفع اولا اولان گناهی
«محزونا» حسینه خاطر
اوندا عزّ شان وئروبسن
.
.

متن پیشنهادی:  حارث سارالان رنگیمیزه بیر نظر ایله #طفلان_مسلم #تائب_تبریزی

.
.
#حضرت_ام_البنین
#آلمیشام_اوغول_سراغین
#محزون_زنجانی
#ترکی
.
.

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی