آنام اوغلی دور ایاقه بئله گئتمه خواب نازه #کوچ_کربلا_غمکش

کوچ از کربلا
.
#زبدةالاشعار
.
: @nohe_torki
.
مرحوم غمکش
.
آنام اوغلی دور ایاقه بئله گئتمه خواب نازه
نظر ائت خیمدن عرشه چیخان آه جانگدازه
یارالی حسینیم ایوای (2)
.
.
منی حیرته سالوبدی بئله حالیده نمازون
ره عشقیده سالوبسان یئره قانلی جانمازون
سالار اهل آسمانی غمه رازیله نیازون
یارالی بدن اقامه ائلدون گوزل نمازه
.
.
ائدر اقتدا ملک لر بو نمازه آسماندان
اوجالوب صدای تکبیر بو نمازی سن قیلاندان
نه روادی تشنه آیا وئره رهبر جهان جان
بئله بیر فریضه قارداش گورونور جهاندا تازه
.
.
یتیشوب مقام عشقه بئله مقصده چاتوبسان
قوری یئرده قلبی یاره بئله نازیله یاتوبسان
بیزی بو بلالی چولده نیه باشیدن آتوسان
یتوروب سنی اؤز عشقون بئله قرب عشق بازه
.
.
گئده جاقدی حشر اولونجا بو غمون مگر سینمدن
سنی دور ائدنده لشگر ائله دیم نظر خیمدن
آنام اوغلی یاندی قلبیم بو شرار آه و غمدن
گهی قتلگاهه قاچدیم گھی دوتدوم اوز حجازه
.
.
گهی خیمیه قیتدیم گورم عابد ملولی
گھی سسلدیم هرایه یئتیشه بابام رسولی
چاغیروردی نازلی قیزلار او زمان آنام بتولی
فلک آغلادی اوجالدی بو مکاندا سوز و سازه
.
بدنونده تیر و پیکان وئروری یارالارون قان
یارالی باشون تلاوت ائدوری بو یئرده قرآن
گلوب آه و وایه دشت و شجر و حجر بیابان
سنه لطف حق وئریبدی شه باوفا اجازه
.
.
بو منای عشقه چکدی سنی شوق عشق جانان
وئره سن رضای حقده سو یانوندا تا سوسوز جان
ئوله یار و یاورانون آخا تپراقا قزیل قان
بو بلالی یئر تاپوب ال بئله عالی امتیازه
.
.
بابام ایلمیشدی آخر نفسینده بیر وصیت
سنه حرمت ائتدی گور نه بو گروه کینه فطرت
بیزه ده ایشیق گون اولدی نئجه کربلاده ظلمت
أثر ائتمدی فغانیم بو گروه کین مجازه
.
.
گینه «غمکشین» دولوبدور اورگی ملاله شاها
ائله فکری غرق اولوبدور محن و خیاله شاها
اولا بیرجه ذره لطفون یئتیشر جلاله شاها
قویا آستانیوه یوز وئره سن اؤزون اجازه
.
.
.
#کوچ_کربلا_غمکش
#آنام_اوغلی_دور_ایاقه_بئله_گئتمه_خواب_نازه
#ترکی
.
#زبدةالاشعار
.
: @nohe_torki
.