آنا اوغلون حسین اولدی سوسوز قربان ، ئوزوم گوردوم #ورود_مدینه_زائر_تبریزی

زبانحال حضرت زینب ع در سر مزار مادر
بعد از مراجعت از شام و کربلا
.
#زبدةالاشعار
.
: @nohe_torki
.
مرحوم زایر تبریزی
.
.
آنا اوغلون حسین اولدی سوسوز قربان ، ئوزوم گوردوم
کنار نهرده عطشان وئرنده جان ، ئوزوم گوردوم
.
.
اونی سن بسلدون گرچه آنا دنیاده عزتله
همیشه چکدون آغوشه دانشدیردون محبتله
اونی کرب و بلا ایچره شهید ایلوبله ذلتله
وجودین دوغراموشدی فرقۀ عدوان ئوزوم گوردوم
.
.
آنا سندنصورا دشمن جفای بیشمار ائتدی
جفاسین شمر بد فطرت حسینه آشکار ائتدی
آنا سن گورمدون اعدا وجودین سنگسار ائتدی
ولی نعشین او حالیله من نالان ئوزوم گوردوم
.
.
ازل اعوان و انصارین الیندن آلدی دشمنلر
حسین یالقیز قالوب طبل بشارت چالدی دشمنلر
قالوب تنها عزیز اوغلون حصاره سالدى دشمنلر
اونی آتدان سالاندا قوم نافرمان ئوزوم گوردوم
.
.
آنا بیر قبردن دور بو گویولده واردی چوخ سوزلر
بلالر گورموشم بی حد جهاندا گورمه سون گوزلر
ز بس غم وئردی یوز دائم منه شام اولدی گوندوزلر
بو مدت اولمادیم راحت ، بلا هر آن ئوزوم گوردوم
.
.
شهادت جامینی ایچدی او چولده یار و انصاریم
توکولدی خیمیه دشمن گوروبلر یوخ هواداریم
نه قارداش نه اوغول ، حسرت باخوب بو چشم خونباریم
جلال و عزّتیم یکسر اولوب تالان ئوزوم گوردوم
.
.
سویولدی نازنین قزلار آنا باخدیقجا یاندیم من
الیمده اولمادی چاره م باخوب یاندیم دایاندیم من
توکولدی باشیمه کوللر خُم غمده بویاندیم من
دوشوب صحرایه اطفالون هامی گریان ئوزوم گوردوم
.
.
آنا شمر شریر ائتدی اسیر اولاد طاهانی
دولاندیردی قولی باغلی بیزی هر گونده هر یانی
وئروب گه کوفه ده منزل ، گھی دیر نصارانی
حسینون باشینی راهب ایدوب مهمان ئوزوم گوردوم
.
.
آنا سن راضی اولمازدون او باشه توز قونا بیر آن
سَنان نوک سِنانینده دولاندوردی اونی هر یان
قزل قانه بویانموشدی اوخوردی نیزه ده قرآن
او دمده ووردولار بیر داش توکولدى قان ئوزوم گوردوم
.
.
اولاندا قزلارون داخل دیار شامه ، شام اولدی
او شام شوم شهرینده بیوک بیر ازدحام اولدی
بنات پاک زهرایه غریبه احترام اولدی
او گون بیز آغلادوق دشمن اولوب خندان ئوزوم گوردوم
.
.
قوروبلار شامده بی حد مجالس چوخ ضیافتلر
بیزه شامون شقی اهلی ایدوبلر چوخ شماتتلر
امامین باشینه گه کول ، گهی داش توکدی عورتلر
یانوب عمامه سی باشدا ، باخوب حیران ئوزوم گوردوم
.
.
او قدری ئولمدیم اولدوم گنه من قبریوه زائر
ئولونجه بو مصیبتده اولام گر من سنه ذاکر
نه غم دلدن اولار زایل ، نه محنتلر اولار آخر
بو دنیاده غم بیحد ، من نالان ئوزوم گوردوم
.
.
#ورود_مدینه_زائر_تبریزی
#آنا_اوغلون_حسین_اولدی_سوسوز_قربان_ئوزوم_گوردوم
#ترکی
.
#زبدةالاشعار
.
: @nohe_torki